«Апроект згәабзиара алшарақәа ԥку ауаа рзы цхыраагӡа духоит. Ҳара ҳганахьала, сара Аҳәынҭқарра Ахада иҟны имҩаԥгаз аилатәараҿы ишысҳәахьаз еиԥш, амашьынрныҟәцаҩцәа разыҟаҵара мҩаԥаагоит. Иара убас иазгәасҭарц сҭахуп, агәабзиарахьчара Аминистрра иарбоу апроект анагӡараҿы иалшо ала адгылара ҟанаҵалоит ҳәа», - иҳәеит Едуард Быҭәба.
Апроект нанагӡоит «Аԥсны Акоманда». Убри аан уи адгылара анаҭоит Нижегородтәи аобласт Анапхгара.
Уи аԥхьа Нижегородтәи аобласт Аԥсныҟа згәабзиара алшарақәа ԥку ауаа рзы иахәҭоу амаругақәа рыла еиқәыршәоу х-машьынак аанашьҭит.
