Print this page
23.Абҵара.2025

Басла ақыҭа Ахадара ԥыхьатәи аусҳәарҭа ахыб аԥсахра иадҳәалаз аиҭашьақәыргыларатә усурақәа хыркәшахеит.

Аҟәа. Абҵарамза 23, 2025 шықәса. Аԥсныпресс. Аҟәа араион Басла ақыҭа Ахадара ԥыхьатәи аусҳәарҭаа ахыб аԥсахра иадҳәалаз аиҭашьақәыргыларатә усурақәа хыркәшахеит.

Ари ахыбраҿы иҿыцу ахәыҷбаҳча аартра ргәы иҭоуп, изабан акәзар араион аҿы ашколнӡатәи аусбарҭақәа разымхара ӷәӷәала ианыԥшуеит. Убри инамаданы, атәыла анапхгара ари ахыбра еиҭашьақәыргыланы  ахәыҷбаҳча аартразы аӡбамҭа аднакылеит. Ахыбраҿы иажәыз ахыб ықәганы шьаҭанкыла амаркацқәа зегьы рыԥсахит, зымҽхак 598 ԥшьыркца метр рҟынӡа инаӡо ахыб ҿыц ықәырҵеит.

Аусурақәа иазԥхьагәаҭаз аҽҳәарақәа ирҭагӡаны иахәҭоу анормақәа зегьы ирықәшәо инагӡоуп. Аиҭашьақәыргыларатә усурақәа рынагӡашьа  иааиԥмырҟьаӡакәа ахылаԥшра арҭон Шьаҭанкыла аргыларазы Аусбарҭа аспециалистцәа.


Read 355 times - Аҩаша, 25 Абҵара 2025 14:10