Ацитрустә сезон алагара инаркны 23,5 тонна инареиҳаны амандарина Аԥсны иалганы идәықәҵоуп.

23.Ԥхынҷкәын.2025

Ацитрустә сезон алагара инаркны 23,5 тонна инареиҳаны амандарина Аԥсны иалганы идәықәҵоуп.

Аҟәа. Ԥхынҷкәынмза 23, 2025 шықәса. Аԥсныпресс. Ацитрустә сезон алагара инаркны Аԥсны иалганы експорт ҳасабла Урыстәылаҟа идәықәҵахеит 23 553 тонна амандарина. Иҳаҩсыз ашықәс аиԥш-зеиԥшу аамҭахәҭа иалагӡаны атәыла иалганы идәықәҵан 29 109 тонна амандарина.

Асезон алагара инаркны иара убас експорт ҳасабла ииаган:

- 1 266 тонна афеихоа (1 098 тонна - 2024 ш.),

- 507 тонна ахәырма (248 тонна - 2024 ш.),

- 747 тонна алимон (346 тонна - 2024 ш.),

- 156 тонна апельсинқәа (103 тонна – 2024 ш.)

Ақыҭанхамҩа Аминистрра адыррақәа рыла, асезн нҵәаанӡа ҩаԥхьа аиагара азԥхьагәаҭоуп даҽа 33 нызықь тонна аԥснытәи амандаринақәа.

Read 37 times