Амза Прохорова Гәдоуҭа араион Приморское ақыҭан дааныркылеит Аԥсны аҩныҵҟатәи аусқәа Рминистрра Анаркотикқәа реикәыршара ахылаԥшреи аҿагылареи Русбарҭа аусзуҩцәеи Гәдоуҭа аҩныҵҟатәи аусқәа Русбарҭа ашьаусԥшааратә ҟәша аусзуҩцәеи еицынарыгӡаз аоперативтә усмҩаԥгатәқәа раан.   

Хаҭала лгәаҭараан аԥҳәыс илыдырбалеит иагьлымырхит зыкапан 19,5 грамм инареиҳаны иҟаз «метадон» ҳәа изышьҭоу анаркотикатә маҭәашьар.  Иарбоу анаркотикатә маҭәашьар лара анаҩс аҭиразы амессенџьер «Телеграмм» ала «Борис Березовски»  ҳәа ахьӡ ҷыда змоу ауаҩы иҟынтәи илоуз агеолокациа акоординатқәа лхы иархәаны имаӡоу аҭыԥ аҿы изакәанымкәа иаалхәеит.

Ашьаусеилыргара мҩаԥнагоит Гәдоуҭа араион аҩныҵҟатәи аусқәа Рыҟәша аусеилыргаратә хәҭа.