Аиԥылара мҩаԥысит Москва, уаҟа Аԥсны Аҳәынҭқарра Ахада усуратә визитла дыҟоуп.
«Аиԥылара иалҵшәахеит Урыстәылантәи асоциалтә фымцамч аашьҭра аҿҳәара ацҵара. Уажәы иаарышьҭуа афымцамч ажьырныҳәамза аказы ихацыркын, иааныркылараны иҟан ажьырныҳәамза 25 рзы», – ҳәа аҳәоит Аҳәынҭқарра Ахада ипресс-маӡаныҟәгаҩ Алхас Ҷолокәуа ителеграм-канал аҟны иҟаиҵаз анҵамҭаҿы.
Иаарышьҭран иҟоу афымцамч амҽхаки уи иадҳәалоу азҵаарақәеи ирылацәажәан Урыстәылатәи Афедерациа анапхгара ахантәаҩы ихаҭыԥуаҩ Алеқсандр Новак иԥылараан.
