Амодуль актәи амш азы Урыстәылатәи Афедерациа Адәныҟатәи аусқәа рминистрра аинформациеи акьыԥхьи рдепартамент аиҳабы Мариа Захарова илԥылоит. Апроект алахәылацәа ирымоуп алшара изызҿлымҳау азҵаарақәа рыҭиира, актуалра злоу атемақәа рылацәажәара. Иара убас, алахәылацәа Урыстәылатәи Афедерациа адәныҟатәи аусқәа рминистрра ҩныҵҟала аусушьа дырбахоит.
Апроект актәии аҩбатәии амодульқәа мҩаԥысуан жьҭаарамзеи абҵарамзеи рзы Ԥицунда. Урҭ ирылахәын 50-ҩык инареиҳаны ажурналистцәа, аблогерцәа, амаркетологцәа. «Аԥснымедиа» аусзуҩцәа ԥшьҩык апроект иалахәуп.
