16.Жәабран.2026
Аԥсны Аҳәынҭқарра ашәҟәыҩҩцәа реидгыла иаалырҟьаны зыԥсҭазаара иалҵыз Анатоли Лагәлаа иуацәеи иҭынхацәеи гәалсра дула ирыдышшылоит
Аԥсуа шәҟәыҩҩцәа гәалсра дула ирыдыркылеит иналукааша аԥсуа поет, апрозаик, апублицист, ауаажәларратә усзуҩы, «Ахьӡ-Аԥша» аорден III аҩаӡара занашьоу, Д.И.Гәлиеи Т.Шь. Аџьбеи рыхьӡ зху Аҳәынҭқарратә премиақәа рлауреат, Аԥсны зҽаԥсазтәыз акультура аусзуҩы, Асовет Еидгыла (1989), Урыстәыла (1999), Аԥсны рышәҟәыҩҩцәа Реидгылақәа рлахәыла Анатоли Ианкәа-иԥа Лагәлаа.
Анатоли Ианкәа-иԥа Лагәлаа аԥсуа литератураҿы наунаӡа ишьҭа аанижьит. Уи ихьӡ лаша иҩызцәа, иҭынхацәа, ибаҩхатәра ҳаҭыр ақәызҵо зегьы ргәалашәараҿы иаанхоит.
