Гәык-ԥсыкала ишәыдысныҳәалоит аԥсылман дунеи аҿы зегь реиҳа аҵакы змоу, илашоу аныҳәақәа ируаку Ураза-Баирам!

Ари аныҳәа иԥшьоу амза Рамадан хнаркәшоит, иҵаулоу адоуҳатә ҵакы амоуп. Уи ианыԥшуеит аԥсы арыцқьареи, ахаҵареи, агәшаҭареи, арыцҳашьареи, апатуеиқәҵареи.

Аԥсны ианакәзаалакгьы иҟан еиуеиԥшым адинхаҵарақәа рхаҭарнакцәа рыбжьара аилибакаареи, апатуеиқәҵареи. Ари ҳауаажәларра рҭынчреи ракзаареи иашьагәыҭуп.

Аԥсны аԥсылман еилакы атәыла аҿиареи арӷәӷәареи рҿы алагала ду ҟанаҵоит.

Иара убас ари аныҳәамш аҽны Ҭырқәтәылатәи Ареспубликеи егьырҭ аԥсылман тәылақәеи рҿы инхо ҳџьынџьуаа ирыдысныҳәалар сҭахуп.

Акыр иаԥсоу ҳџьынџьуаа аԥсылманцәа! Ураза-Баирам шәыҩнқәа агәырӷьареи, аԥхарреи, аманшәалареи рыла иарҭәааит. Гәык-ԥсыкала ишәзеиӷьасшьоит агәабзиара, аҭынчра, аҳәоуеиқәшәара, аԥшьгара бзиақәа, зегьы рзы ақәҿиарақәа, уаҵәтәи амш агәрагара.

Ураза-Баирам аныҳәа шәыдысныҳәалоит!»