Аҳәынҭқарратә мчра аусбарҭақәеи ауаажәларратә еилазаареи рыбжьара адиалог ашьақәыргылара хықәкыс иҟаҵаны Аҳәынҭқарра Ахада Бадра Гәынба Аԥыза-министр Владимир Делба инапы ианиҵеит хәажәкырамза 12, 2026 шықәсазы ирыдыркылаз атәылауаҩратә форум «Аицәажәара. Аиқәшаҳаҭра. Аҿиара» арезолиуциа аилыргара.
Атәыла ахада адҵа ҟаиҵеит 2026 шықәса лаҵарамза 7-нӡа Аԥсны Аминистрцәа Реилазаара акомпетенциа иаҵанакуа арезолиуциаҿы иарбоу абжьгарақәа рынагӡаразы ажәалагалақәа ҟарҵарц.
