Владимир Занҭариа иԥсҭазаара иалҵра аԥсуа литературеи аҭҵаарадырреи рзы цәыӡ дууп. Абаҩхатәра змаз алитератор, Аԥсны Жәлар Реизара актәи ааԥхьара адепутатцәа дыруаӡәкын, джурналистсын, ажәлар рымаҵ ауреи амилаҭтә культура аҿиареи зыԥсҭазаара азызкыз уаҩын.

Уажәы ааигәа иареи сареи ҳаиқәшәеит. Дзыргәаҭеиуаз азҵаарақәа рацәаны ҳрылацәажәеит. Еиҳарак Владимир Константин-иԥа дзыргәамҵуаз аԥсуа бызшәа аҭагылазаашьа акәын. Абызшәа аҿиаразы еиуеиԥшым азҵаарақәа ҳрылацәажәеит, ҳгәаанагарақәеи ҳагәҭакқәеи еибаҳҳәеит. Ари аиԥылара даара иԥхаз агәалашәарақәа ааннажьит.
Владимир Занҭариа иуацәеи иҭынхацәеи гәык-ԥсыкала срыдышшылоит».