Атәыла ахада инаҵшьны иазгәеиҭеит имҩаԥысраны иҟоу афорум астратегиатә ҵакы шамоу, иҳәеит атәыла аекономика аҿиаразы уи аихшьалақәа практикатә шьаҭаны иҟалар ауп ҳәа.

«Афорум алҵшәақәа Аԥсны ԥхьаҟатәи аекономикатә еизҳараҿы имҩақәҵагахароуп», - ҳәа азгәеиҭеит Бадра Гәынба.

Аҳәынҭқарра ахада иара убасгьы иазгәеиҭеит афорум аҳәаақәа ирҭагӡаны рнапы зҵарыҩраны иҟоу аиқәшаҳаҭрақәа рҵакы.

Атәыла ахада Аиҿкааратә Еилакы алахәылацәа азхьаирԥшит афорум азырхиара ҭакԥхықәрала ишазнеитәу.

Аилатәараан аԥыза-министр афорум аҽазыҟаҵара шымҩаԥысуа азы адырра ҟаиҵеит, дазааҭгылеит аусутә программеи, астол гьежьқәеи, ацәыргақәҵатә усмҩаԥгатәқәеи реиҿкаарагьы.