Атеатр еснагь доуҳатә ҭыԥны иҟан, иагьаанхоит, уаҟа ииуеит ахәыцра ҵаулақәа, имҩаԥысуеит абиԥарақәа реимадара. Акультура аҿиараҿы, ауаҩы иҩнуҵҟатәи идунеи арбеиараҿы, ауаажәларра руаҩышәаратә ҟазшьақәа рырӷәӷәараҿы атеатртә ҟазара ихадоу ароль нанагӡоит.

Аԥсны атеатрқәа — Самсон Ҷанба ихьӡ зху Аԥснытәи аҳәынҭқарратә драматә театри, Фазиль Искандер ихьӡ зху аурыс драматә театри, Аҳәынҭқарратә аҿартә театри, Шәарах Ԥачалиа ихьӡ зху Тҟәарчалтәи акомедиатә театри русура аҵак ҷыда амоуп.

Амилаҭтә культуреи, ахатәы бызшәеи реиқәырхареи рырҿиареи, ажәлар рдоуҳатә традициақәа рырӷәӷәареи рҿы хәы змаӡам алагала ҟашәҵоит.
Шәбаҩхатәреи, шәус гәык-ԥсыкала азыҟазаареи, иааиԥмырҟьаӡакәа арҿиаратә усуреи ирыбзоураны асценаҿы аперсонажцәа рыԥсы ҭалоит, аԥсуа культура абеиара ааԥшуеит, атәыла ҳаамҭазтәи акультуратә ҵакыра шьақәгылоит.

Шәџьабаа иаҭахуп ахамеигӡара, агәацԥыҳәара, аҟазара гәык-ԥсыкала абзиабара. Шәара ақәыргыламҭа раԥҵара анаҩсангьы, ахәаԥшҩы дшәааӡоит, ихдырраҿы ишәырҿыхоит иреиӷьу ацәаныррақәеи ахәыцрақәеи.

Гәык-ԥсыкала ишәзеиӷьасшьоит агәабзиара, иҭамбаӡо арҿиаратә гәацԥыҳәара, ақәыргыламҭа ссирқәа , згәы былуа ахәаԥшыҩцәа, аҟазара амаҵзураҿы ԥхьаҟатәи ақәҿиарақәа!»