Барцыци Карасини аҳәынҭқаррабжьаратә аԥсуа-аурыс усеицураеи, аиқәшаҳаҭра-зинтә шьаҭа аҿиареи, апарламентбжьаратә еинырреи рызҵаарақәа ирылацәажәеит.
Инаҵшьны иазгәаҭан еиуеиԥшым аҩаӡарақәа рҿы аинырра аҵак ду шамоу, апарламенттә ҩаӡарақәагьы уахь иналаҵаны.
Аҵыхәтәантәи аамҭазы аԥсуа-аурыс усеицура аимпульс ҿыц аиуит: аинфраструктуратә проект дуқәа рацәаны инагӡахоит ҳәа азгәеиҭеит Барцыц. Иара убасгьы инаҵшьны иазгәеиҭеит аҩ-тәылак рыдәныҟаполитикатә усбарҭақәа русеицура аҵак ду шамоу.
20.Лаҵара.2026
Имҩаԥысит Олег Барцыци Григори Карасини реиԥылара
Москва усутә визитла иҟоу Аԥсны адәныҟатәи аусқәа рминистр Олег Барцыц диԥылеит Жәларбжьаратәи аусқәа рзы Урыстәылатәа Афедералтә Еизара Афедерациа Ахеилак ахантәаҩы Григори Карасин.
