Аконцерт мҩаԥгахоит ареспублика Аҳәынҭқарратә камертә оркестр алархәны. Адирижиор - аколлектив адирижиор хада, Аԥсны жәлар рартист, амаестро Давид Терзиан.
Апроект жәларбжьаратәи аҟазшьа амоуп, атәылақәа ркультуреи рҟазареи реидкылара иазырхоуп. Аԥсуа музыкантцәа ирыцны асценахь ицәырҵуеит Ҭырқәтәылеи Урыстәылеи рартистцәа.
Аконцерт аиҿкаара алыршахеит Ҭырқәтәыла иҟоу Аԥсны азинмчы змоу Ибрагим Аҩӡбеи, Ҭырқәтәыла иҟоу аԥсуа культуратә центрқәа Рфедерациеи, Аԥсны акультура аминистрреи активла реинырра иабзоураны.
сегодня 17:52
Рашәарамза 26 рзы Сҭампылтәи акультуратә центр Inal Aydınoğlu Kültür Merkezi (IAKM) асценаҿы имҩаԥгахоит аконцерт «Piano Duo & Orchestra»
Жәларбжьаратәи апроект аҳәаақәа ирҭагӡаны Ҭырқәтәыла иқәгылоит еицырдыруа афортепианотә дует «Piano Duo» - Аԥсны жәлар рартистка Нинель Бжьаниеи Аԥсны зҽаԥсазтәыз артистка Гәлиза Аҩӡбеи рыла ишьақәгыло. Апианинорҳәаҩцәа рыпрограмма хкы рацәала еиларсуп.
