«Ҳаҭыр зқәу асасцәа, акыр иаԥсоу алахәылацәа, арҵаҩратә ҟазара ашкол азыӡырҩцәа!

Аҟәа ақалақь ахадара ахьӡалеи хаҭала сара сыхьӡалеи гәык-ԥсыкала бзиала шәаабеит ҳәа шәасҳәоит арҵаҩратә ҟазара Жәларбжьаратәи ашкол ахәбатәи, аиубилеитә сезон ахь.

Лымкаала иҭабуп ҳәа расҳәар сҭахуп Тамбови Самареи рҟынтәи иааз аделегациақәа, шәколлегацәа роуп ари аҵакы змоу аҵаратә ҭыԥ аԥҵара ахыҵхырҭаҿы игылоу, иахьа шәыҟазаара ахҭыс иҷыдоу ахәшьара анаҭоит.

 
Aрҵаҩцәа-азыӡырҩцәа рахь схы нарханы, даара иҭабуп ҳәа расҳәар сҭахуп рџьабаазы, еиҵагыло абиԥара разыҟаҵареи рааӡареи рзы есыҽны инарыгӡо аус азы. Шәара шәзанааҭдырра, шәычҳара, шәус гәык-ԥсыкала азыҟазаара ҳауаажәларра рԥеиԥш шьаҭас иамоуп.
 
Агрба ашкол иалахәыз зегьы ирзеиӷьеишьеит агәабзиара, иҭамбаӡо амчхара, агәацԥыҳәара.
 
«Ари асезон шәара шәзы адырра ҿыцқәеи, аидеиақәеи, азанааҭтә еихьӡарақәеи ирхыҵхырҭаны иҟалааит. Шәҽазышәшәала шәус шәазҟазацәаны аҟалара, еснагь аҵаратә тенденциақәа шәрықәныҟәала», – иҳәеит Аҟәа ақалақь ахада.
 
Ашкол аартра ацеремониа иалахәын аҵара аминистр Хана Гәынба, аҳҭнықалақь ахада ихаҭыԥуаа Автандил Сурманиӡеи Асҭамыр Ашәбеи, Аҟәа ақалақь ахадара аҵара аусбарҭа аиҳабы Асҭанда Ҭаркьыл.