сегодня 16:20
Аекологиатә шәарҭадаразы аексперт Владимир Мурашов аекономикатә ҿиареи, аинформациатә технологиақәеи, анаплакра адгылареи рзы Ауаажәларратә палата Акомиссиа аилатәараҿы ацрыҵқәа рполигон апроблема аӡбаразы етап-етаплатәи аплан ӡыригеит
Иара игәаанагарала,актәи аетап аан аполигон аҳәаақәа шьақәыргыланы иахәҭоу адокументациа еиқәыршәатәуп, иара убас атехника аахәатәуп. Аҩбатәи аетап аан-апроект аус адуланы аобиект асанитартә нормақәа ирықәшәо иҟаҵатәуп.
Мурашов инаҵшьны иазгәеиҭеит апроблема ареспубликатә ҩаӡараҿы асистематә знеишьа шаҭаху, ажәалагала ҟаиҵеит апрограмма аус адуларазы апрофильтә усбарҭа аԥҵазарц.
Ҷыдала ахшыҩзышьҭра аиҭеит ацрыҵқәа хаз-хазы реизгара.
«Аилыԥшааратә комплекс ишақәнагоу аус ауӡом уи аԥхьа агәамсам еилыхны еизгамзар», - иҳәеит Мурашов.
Аексперт ажәалагала ҟаиҵеит ҩ-гәамҭрак рыла иалагарц, ауааԥсыра рыбжьара аекологиатә дырақәа рыладырҵәаларц, ашколқәа рҿы имҩаԥырго аекоурокқәагьы уахь иналаҵаны.
