сегодня 14:41
Аԥсны аҳазалхратә еилакы XVI ашәышықәсазтәи аџьазтә ԥҳал амузеи иарҭеит
Аԥсны аҳәынҭқарратә ҳазалхратә еилакы Аԥснытәи аҳәынҭқарратә музеи ҳамҭас иарҭеит аҭоурыхтәи акультуратәи ҵакы ду змоу аџьазтә ԥҳал. Уаанӡа ари ажәытә ԥҳал аҳазалхырҭа аусзуҩцәа закәаншьаҭада атәыла анҭыҵ агара аҽазышәара иаҿыз ирымырхит, уажәы акультуратә ҭынха аиқәырхаразы официалла аусбарҭа иарҭеит. Хара имгакәа амузеи аусзуҩцәа артефакт инҭырҳәцааны аҭҵаара иалагоит ҳәа аанацҳауеит ГТК апресс-маҵзура.
Аҭҵааҩцәа заанаҵтәи рдыррақәа рыла, аԥҳал атиурк хылҵшьҭра амоуп, XVI ашәышықәса иаҵанакуеит. Иазгәаҭатәуп, XVIII ашәышықәсазы аҭыԥантәи аҟазацәа хәҭа-хәҭала аалыҵ шеиҭаркыз, амаа ҿыци аҵеи шырыԥсахыз.
Амузеи адиректор Аркади Џьопуа аҳазалхратә еилакы аусзуҩцәа иҭабуп ҳәа реиҳәеит афонд ахарҭәааразы, иазгәеиҭеит аусбарҭа иааиԥмырҟьаӡакәа зыхә ҳараку аҭоурыхтә ԥшаахқәа шрырҭо.
