Аҟәа. Абҵарамза 27, 2022 шықәса. Аԥсныпресс. 92-шықәса дшырҭагылаз лыԥсҭазаара далҵит Аԥсны ԥыхьатәи аҵара аминистр Ҭамара Иван-иԥҳа Коӷониа.
Аԥсны аҵара Аминистрра Аԥсны Зҽаԥсазтәыз арҵаҩы, 1972 –1992 шш. Аԥсны аҵара аминистрс иҟаз Ҭамара Иван-иԥҳа Коӷониа лыԥсҭазаара дахьалҵыз инамаданы лыуацәеи лҭынхацәеи илыдышшылоит.
«Ҭамара Иван-иԥҳа Коӷониа лыԥсҭазаара алҵра лыуацәеи лҭынхацәеи реиԥш аԥсуа жәлар зегьы рзы цәыӡ дууп! Лгәалашәара наунагӡоуп!
Ҭамара Иван-иԥҳа Аԥсны аеиԥш, уи нҭыҵгьы еицырдыруаз уаҩын. 20 шықәса инарзынаԥшуа ажәлар рҵара Аминистрра дахагылан. Уи аамҭа иалагӡаны Аԥсны 150 школ аргылареи аиҭашьақәыргылареи алыршахеит», - ҳәа иазгәаҭоуп Аԥсны аҵареи абызшәатә политикеи иҟанаҵаз адышшалара аҿы.
