2022 шықәса ԥхынгәымза 16 рзы Аԥсны Аҳәынҭқарра Ахада Аслан Бжьаниа усуратә визитла Ҭаҭарсҭан Ареспублика даҭааит.
Ҭаҭарсҭан Ареспублика Ахада Рустам Минниханов Аԥсны раԥхьаӡакәны официалтә визитла даҭаахьан 2015 шықәса жьҭаарамза 1 азы.
04.Ԥхынҷкәын.2022
АԤСНЫ ИОФИЦИАЛТӘЫМ ВИЗИТЛА ДАҬААИТ ҬАҬАРСҬАН АРЕСПУБЛИКА АХАДА РУСТАМ МИННИХАНОВ.
Аҟәа. Ԥхынҷкәынмза 4, 2022 шықәса. Аԥсныпресс. Иахьа, Аԥсны Аҳәынҭқарра Ахада Аслан Бжьаниа аԥсны-урыстәылатәи аҳәааҟны иофициалтәым визитла Аԥсны иаҭааз Ҭаҭарсҭан Ареспублика Ахада Рустам Минниханов диԥылеит.
Ҭаҭарсҭан Ареспублика Ахада Аԥсныҟа иааира аԥсны-урыстәылатәи аизыҟазаашьақәа рҳәаа иҭагӡаны аусеицура арҿиара иадҳәалоуп.
