Аҟәа. Жәабранмза 3, 2023 шықәса. Аԥсныпресс. Лаҵарамза 17 рзы Аҟәа ақалақь аҿы Аԥсны адәныҟатәи аусқәа Рминистрра аԥҵара 30- шықәса ахыҵра инамаданы афорум Global Abkhazia амҩаԥгара азԥхьагәаҭоуп, ҳәа адырра ҟанаҵоит адәныҟатәи аусқәа Рминистрра апресс-маҵзура.
Аԥсны адәныҟатәи аусқәа Рминистрра Амедиацентр иҟанаҵо адыррақәа рыла, афорум аусура рхы аладырхәраны иҟоуп еиуеиԥшым атәылақәа рҟынтәи асасцәа.
Афорум аҳәаақәа ирҭагӡаны абарҭ атематикатә сесиақәа мҩаԥгахоит:
агеополитикеи адипломатиеи;
аинформациатә технологиақәа русхкы аҿы жәларбжьаратәи аусеицура;
ҳаамҭазтәи амедиа.
Иҷыдоу агеографиатә сессиақәа Аԥсны Аҳәынҭқарреи ԥыхьатәи Асовет Еидгыла аҵакыреи Ааигәатәи Мрагылареи Лаҭинтәи Америкеи, егьырҭ арегионқәеи русеицура иазкхоит.
Адәныҟатәи аусқәа рминистр Инал Арӡынба идҵа ала афорум «Global Abkhazia» аиҿкаара азы аусуратә гәыԥ аԥҵоуп.
Ахәаша, жәабранмза 3 рзы аминистр иколлегацәа алархәны афорум «Global Abkhazia» аиҿкаара иадҳәалоу азҵаарақәа рзы аилатәара мҩаԥигеит.
