Атәыла Анапхгара аҿы афинанстә усура иазку ихымԥадатәиу аинформациа аҟынӡа ԥымкрада анаӡара алзыршо иҿыцу азакәанԥҵарақәа аус рыдулара мҩаԥысуеит.

21.Рашәара.2023

Атәыла Анапхгара аҿы афинанстә усура иазку ихымԥадатәиу аинформациа аҟынӡа ԥымкрада анаӡара алзыршо иҿыцу азакәанԥҵарақәа аус рыдулара мҩаԥысуеит.

Аҟәа. Рашәарамза 21, 2023 шықәса. Аԥсныпресс. Аминистрцәа Реилазаара аҿы «Изакәанымкәа ирҳаз ахашәалахәқәа азакәантә ԥшра рыҭаны ралгареи атерроризм афинансыркреи раԥырҟәҟәаара азы» азакәанԥҵареи «Авалиутатә хылаԥшреи авалиутатә усеиҿкаареи рзы» азакәанԥҵареи аус рыдуларазы иаԥҵоу аусуратә гәыԥ аилатәара мҩаԥысит.

Аусуратә гәыԥ напхгара аиҭоит аминистрцәа Реилазаара Аппарат анапхгаҩы Давид Сангәылиа.

Аусуратә гәыԥ азакәан апроектқәа аус рыдуланы, анаҩс ахәаԥшреи ашьақәырӷәӷәареи рзы адгалара амҩаԥгареи хыдҵас ирымоуп, - ҳәа адырра ҟаҵоуп Аԥсны Аҳәынҭқарра Анапхгара аофициалтә саит аҿы.

Аусуратә гәыԥ аусура анхыркәшахалак ашьҭахь апроектқәа аминистрцәа Реилазаара аофициалтә саит «Азакәанпроекттә усура» аҟәша аҟны икьыԥхьхоит.

Источник: https://apsnypress.info/ru/home/novosti/item/5924-v-pravitelstve-razrabatyvayut-novye-zakonoproekty-kasayushchiesya-finansovoj-prozrachnosti.

Read 331 times - Ахаша, 21 Рашәара 2023 17:42