Аҳәынҭқарра Ахада Ихаҭыԥуаҩ Бадра Гәынба Аҳәынҭқарра Ахада идҵа анагӡара шымҩаԥысуа гәеиҭеит, убри аан уи аусурақәа рхаҭабзиареи ирзыԥҵәоу аҽҳәарақәа рҭагӡареи ҷыдала ахшыҩзышьҭра аиҭеит.
Гал араион аҿы иҟоу арратә инфраструктура иаҵанакуа аобиектқәа рахь аинспекциатә ныҟәара аҿы иара убас рхы аладырхәит ашәарҭадара Ахеилак амаӡаныҟәгаҩ Сергеи Шамбеи амилаҭтә шәарҭадареи атәылахьчареи рзы Аҳәынҭқарра Ахада иабжьгаҩ Рауль Лолуа.
