Даниил Дунамалиани Доминик Шьакаеи Москватәи Ар Аспроттә Клуб Хада (ЦСКА) аилазаараҿы жәларбжьаратәи атурнир UTLC Cup аҿы араӡнытә аԥхьахәқәа роуит.

19.Нанҳәа.2023

Даниил Дунамалиани Доминик Шьакаеи Москватәи Ар Аспроттә Клуб Хада (ЦСКА) аилазаараҿы жәларбжьаратәи атурнир UTLC Cup аҿы араӡнытә аԥхьахәқәа роуит.

Аҟәа. Нанҳәамза 19, 2023 шықәса. Аԥсныпресс. Ашьапылампыласыҩ қәыԥшцәа Даниил Дунамалиани Доминик Шьакаиеи 2009 шықәсазы ииз Москватәи Ар Аспроттә Клуб Хада (ЦСКА) алахәылацәа реилазаараҿы жәларбжьаратәи атурнир UTLC Cup 2023 аҿы араӡнытә аԥхьахәқәа роуит. Абри атәы аанацҳауеит Аԥсны аҿари аспорти русқәа рзы аҳәынҭқарратә Еилакы.

Афинал аҿы Москватәи Ар Аспроттә Клуб Хада (ЦСКА) аспорсмен ҿарацәа асчиот 0:3 ала Сербиатәи «Црвене Звездe» аспортсменцәа ирыҵахеит.

Жәиԥшь шықәса иреиҳабым ахәмарыҩцәа рзы Жәларбжьаратәи атурнир UTLC CUP мҩаԥысуан нанҳәамза 15 – 19 рзы Москва ақалақь аҿы.

Даниил Дунамалиан Аҟәатәи «Динамо» ааӡамҭа иоуп. Уи дазыҟаиҵоит азыҟаҵаҩ Мераб Кәакәасқьыр, Доминик Шьакаиа – Гагра ақалақь ахәыҷтәы-қәыԥштә спорттә школ ааӡамҭа иоуп, уи дазыҟаиҵоит азыҟаҵаҩ Џьанкрат Ҷкәуа.

Read 559 times - Амҽыша, 20 Нанҳәа 2023 14:55