Ацәаҳәақәгыларатә ҽазыҟаҵара анаҩс, ашколхәыҷқәа арратә напышьашәалатәи аибашьра аелементқәа аадырԥшит.
Аусмҩаԥгатә Аҟәа ақалақь Ахадарала еиҿкаахеит.
27.Цәыббра.2023
Аҳҭнықалақь ашколхәыҷқәа рыбжьара ацәаҳәақәгыларатә ашәа азы аконкурс мҩаԥысит С.Багаԥшь ихьӡ зху аплошьд аҿы.
Аҟәа. Цәыббрамза 27, 2023 шықәса. Аԥсныпресс. Сергеи Багаԥшь ихьӡ зху аплошьад аҿы аҳҭнықалақь ашколхәыҷқәа рыбжьара ацәаҳәақәгыларатә ашәа азы аконкурс мҩаԥысит.
Аусмҩаԥгатә алагаанӡа ашколхәыҷқәа рахь ихы рханы дықәгылеит Аҟәа ақалақь ахада Беслан Ешба.
«Аҟәа ақалақь ахақәиҭтәра ҳџьынџьтылатәи еибашьраҿы акырӡа иззыԥшыз мшны иҟалеит. Араҟоуп иахьыҵхыз Аиааира ашьаҭа!», - ҳәа инаҵшьны иазгәеиҭеит Беслан Ешба.
