Жәларбжьаратәи ацәыргақәҵа-афорум «Россия» — ари атәыла ихадоу аихьӡарақәа рдемонстрациа ахьымҩаԥысуа плошьадкоуп. Аусмҩаԥгатә рхы аладырхәуеит Урыстәыла 89 регион, афедералтә министррақәеи ахылаԥшырҭақәеи ауаажәларратә еиҿкаарақәеи.
20.Ԥхынҷкәын.2023
Аԥсны Аҵарадырра Аминистрреи Урыстәылазегьтәи ахәыҷтәы центри «Смена» аусеицуазы амеморандум рыбжьарҵеит.
Аҟәа. Ԥхынҷкәынмза 20, 2023 шықәса. Аԥсныпресс. Москва ақалақь, Жәлабжьаатәи ацәыргақәҵа – афорум «Россия» аплошьадка аҿы имҩаԥысит Аԥсны Аҵарадыра Аминистрреи Урыстәылазегьтәи ахәыҷтәы центри «Смена» аусеицуразы амеморандум рыбжьаҵара иадҳәалаз ацеремониа. Абри азы адырра ҟанаҵоит Аԥсны аҵарадырра Аминистрра апресс-маҵзура.
Аусшәҟәы рнапы аҵарҩит Аԥсны аҵара аминистр Инал Габлиеи Урыстәылазегьтәи ахәыҷтәы Центр адиректор Игорь Журавлиови.
Аԥсны аҵара аминистр Инал Габлиа 2023 шықәса, ԥхынҷкәынмза 19 – 24 рзы Урыстәылазегьтәи ахәыҷтәы Центр «Смена» анапхгара ааԥхьарала Жәларбжьаратәи ацәыргақәҵа-форум «Россия» ихы алаирхәуеит.
