Данил Допуеи Дамеи Кархалааи зхы иақәиҭу аиқәԥаразы Алада Урыстәылатәи Аокруг Аԥхьахәгара аҿы аԥхьахәқәа ргеит.

05.Жәабран.2024

Данил Допуеи Дамеи Кархалааи зхы иақәиҭу аиқәԥаразы Алада Урыстәылатәи Аокруг Аԥхьахәгара аҿы аԥхьахәқәа ргеит.

Аҟәа. Жәабранмза 5, 2024 шықәса. Аԥсныпресс. Данил Допуа аиааира игеит, Дамеи Кархалаа – араӡнытә аԥхьахә игеит 2009-2011 шықәсазы ииз арԥарцәа рыбжьара имҩаԥысыз зхы иақәиҭу аиқәԥаразы Алада Урыстәылатәи Аокруг Аԥхьахәгара аҿы, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы аофициалтә саит.

Данил Допуа 52 кьыла рҟынӡа иҟоу акапантә категориа иаҵанакуа рыбжьара дықәгылеит, Дамеи Кархалаа - 41 кьыла рҟынӡа иҟоу акапантә категориа иаҵанакуа рыбжьара. Аспортсменцәа Ареспублика Адыгеиа ахьӡала иқәгылон.

Аԥхьахәгара мҩаԥысуан жәабранмза 2-инаркны 4 аҟынӡа Славианск-на Кубани ақалақь аҿы. Уи рхы аладырхәит 320-ҩык аспортсменцәа.

Аԥсуа спортсменцәа азыҟарҵоит азыҟаҵаҩцәа Игорь Бераеи Мераб Хашбеи.

Read 389 times - Ашәахьа, 05 Жәабран 2024 13:37