Ихьыԥшым ашьапылампылтә ассоциациақәа Рконфедерациа (ConIFA) еиҿкаан 2013 шықәсазы. ConIFA еиднакылоит FIFA аилазаараҿы иҟам атәылақәеи автономиақәеи рҟынтәи ашьапылампыл азы еизгоу акомандақәа.
19.Жәабран.2024
Адунеи ачемпионат ConIFA-2024 аҿы ашьапылампыл азы Аԥсны еизгоу акоманда иацлабуа еилкаахеит.
Аҟәа. Жәабранмза 19, 2024 шықәса. Аԥсныпресс. Адунеи ачемпионат ConIFA-2024 агәыԥ «D» аҿы ашьапылампыл азы Аԥсны еизгоу акоманда Секеитәи атәылаҿацәи Мексика ашьапылампыл азы Амилаҭтә Ассоциациеи (ANBM) ркомандақәа ирыцлаблоит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы апресс-маҵзура.
Адунеи ачемпионат мҩаԥысуеит рашәарамза 25 инаркны ԥхынгәымза 6, 2024 шықәса аҟынӡа Ирактәи Курдисҭан аҿы.
Зынӡа атурнир иалахәхоит 14 командак.
