24 Цәыббра 2021

БАШКИРТӘИ АҲӘЫНҬҚАРРАТӘ АОПЕРЕИ АБАЛЕТИ РТЕАТР АГАСТРОЛЬТӘ ТУР АНАГӠАРАЗЫ АԤСНЫҞА ИААРАНЫ ИҞОУП

Ахәаша, 04 Рашәара 2021 13:42 308

Аҟәа. Рашәарамза 4 2021 шықәса. Аԥсныпресс.  Башкиртәи аҳәынҭқарратә аопери абалети ртеатр агастрольқәа рымҩаԥгаразы Аԥсныҟа иаараны иҟоуп, ҳәа иаанацҳауеит Аԥсны акультура Аминистрра апресс-маҵзура.

Рашәарамза 22 рзы С.Иа.Ҷанба ихьӡ зху Аԥснытәи аҳәынҭқарратә драматә театр аҿы ахәаԥшцәа идырбахоит Башкиртәи аопери абалети ртеатр инанагӡо амузыкатә лакә «Аҳауа иалоу аӷба». Ари абзиабареи анасыԥи ирызку  иԥшӡоу иразу ахҭыс азы ажәабжь аиҳабацәа реиԥш ахәыҷқәеи еилыркаартәы аинтересс ркыртә еиԥш ишьақәгылоуп.  Анашанатә тәыла аҿы иубоит апринцесса Забава, Вини-ауаџьаҟрыцқьаҩ, Бабок-хьаԥарч, Аҳәынҭқар, Аӡаҵантәи Аҳ, Полкан (Аминотавр), уҳәа згәахәтәы ахьӡара иашьҭоу зегьы иџьашьаху рыхҭысқәа. «Аҳауа иалоу аӷба»  анагӡара иацу амузыка иеихьӡылоу амультфильм ала зегьы еицырдыруа ашәақәа «Сара соуп аӡаҵантәи Аҳ», «Бабок-хьаԥарч ахьӡыртәрақәа», «Агәахәтәы азы ашәа», – рыдагьы Иури Ентин иажәеинраалақәа рыла Максим Дунаевски атеатралтә қәыргыларазы ҷыдала иаԥиҵаз иҿыцу ашәақәагьы алагалоуп. Алакә «Аҳауа иалоу аӷба» арежиссиор-Урыстәылатәи Амилаҭтә театралтә премиа «Ахьтәы сабрада» алауреат Филипп Разенков. Аспектакль асахьаҭыхыҩ-ақәыргылаҩ – Урыстәыла зҽаԥсазтәыз  асахьаҭыхҩы, Удмуртиа аҟазара зҽаԥсазтәыз аусзуҩ Владислав Анисенков. Адирижиор-ақәыргылаҩ – жәларбжьаратәии урыстәылазегьтәии аконкурсқәа рлауреат Александр Алексеев.

Рашәарамза 23 рзы Пицундатәи Аныхабаа аорӷантә зал Хада аҿы Башкириа аҳәынҭқарратә аопери абалети ртеатр артистцәа рықәгылара мҩаԥысраны иҟоуп. Ахәылԥаз актәи азыбжа азы еицырдыруа аопертә бас бжьы зхоу, атеатр асахьаркыратә напхгаҩы, Урыстәыла зҽаԥсазтәыз артист Аскар Абдразаков ароманқәеи ариақәеи  наигӡоит.  Аконцерттә хор #BashOpera апрограмма «Анаунагӡара азы» нанагӡоит. Адоуҳатә культура абзиабаҩцәа рзы Алеқсандр Гречанинов инапы иҵыҵыз аиашахаҵаратә шедевр «Иԥшьоу Иоанн Ахьҿы илитургиа» аҟынтәи еиуеиԥшым аномерқәа (№2, соч. 29), ҳаамҭзтәи молдавиатәи акомпозитор Владимир Чолака ирҿиамҭақәеи нагӡахоит.  Аорӷан апартиа  наигӡоит  Аԥсны зҽаԥсазтәыз артист, Аԥснытәи аҳәынҭқарратә филармониа асолист, жәларбжьаратәи аконкурсқәа рлауреат Лука Гаделиа. Башкиртәи аопери абалети ртеатр ахормеистр хада – жәларбжьаратәии урыстәылазегьтәии аконкурсқәа рлауреат Алеқсандр Алексеев.

 

Last modified on Ахәаша, 04 Рашәара 2021 13:48
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me