Print this page

АԤСНЫТӘИ АДЕЛЕГАЦИА ХII ЖӘЛАРБЖЬАРАТӘИ АЕКОНОМИКАТӘ САММИТ «УРЫСТӘЫЛА – АԤСЫЛМАНТӘИ АДУНЕИ: KAZANSUMMIT 2021».

Ахаша, 28 Ԥхынгәы 2021 14:30 1294

Аҟәа. Ԥхынгәымза 28, 2021 шықәса.. Аԥсныпресс. Ареспублика Ҭаҭарсҭан аҳҭнықалақь Казань аҿы имҩаԥысуеит ХII  Жәларбжьаратәи аекономикатә саммит «Урыстәыла – Аԥсылмантәи адунеи: KazanSummit 2021».  Уи Ареспублика Ҭаҭарсҭан Ахада хаҭала иҟаиҵаз ааԥхьарала рхы аладырхәуеит аԥснытәи аҳәынҭқарратә маҵурауаа. Урҭ рхыԥхьаӡараҿы иҟоуп Аԥсны адәныҟатәи аусқәа рминистр Даур Ақаҩбеи атуризм аминистр Ҭеимураз Хышбеи. Абри азы Аԥсныпресс ахь адырра ҟаиҵеит Ҭеимураз Хышба.

Теимураз Хышба аԥснытәи аделегациа  Асаммит аҿы алахәхара атәы еиҭеиҳәеит: «Даур Ақаҩбеи сареи Асаммит, Ареспублика Ҭаҭарсҭан Ахада Русҭам Минниханов хаҭала иҟаиҵаз ааԥхьарала ҳаҭыр зқәу асасцәа раҳасабала ҳхы алаҳархәуеит. Ареспублика Ахада хаҭала Асаммит ааиртуан, уи рхы аладырхәит 70 инарзынаԥшуа адунеи атәылақәеи  Урыстәылатәи Афедерациа 38 региони рҟынтәи 5 000 лахәыла.  Асаммит аҳәаақәа ирҭагӡаны еиуеиԥшым атематикатә пленартә еилатәарақәа, астол гьежьқәа, адискуссиақәа, амастер-классқәа, астендқәа, уҳәа аекономикеи жәларбжьаратәи аизыҟазаашьақәеи ирыдҳәалоу егьырҭ аусмҩаԥгатәқәеи мҩаԥысуеит». Ҭеимураз Хышба иажәақәа рыла, Асаммит аҿы иара Ареспублика Ҭаҭарсҭан атуризм Аилак ахантәаҩы диԥылеит. Иколлегаи иареи Аԥсны атуристтә усхкы ахь аинвестициақәа ралагалара азы еиқәшаҳаҭхеит.

Last modified on Аҩаша, 03 Нанҳәа 2021 12:41