Print this page

АҲӘЫНҬҚАРРА АХАДА ИУ. Н. ВОРОНОВ ДИИЖЬҬЕИ 80 ШЫҚӘСА АҴРА ИАЗКУ АИУБИЛЕИТӘ УСМҨАԤГАТӘҚӘА РАЗЫРХИАРЕИ РЫМҨАԤГАРЕИ РЗЫ АҲӘЫНҬҚАРРАТӘ КОМИССИА АԤҴАРАЗЫ АДҴА ИНАПЫ АҴАИҨИТ

Аҩаша, 21 Цәыббра 2021 18:53 122

Аҟәа. Цәыббрамза 21, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Адҵа инапы аҵаиҩит иналукааша аҵарауаҩ, аҳәынҭқарратә усзуҩы Иу. Н. Воронов диижьҭеи 80 шықәса аҵра иазку аиубилеитә усмҩаԥгатәқәа разырхиареи рымҩаԥгареи рзы Аҳәынҭқарратә Комиссиа аԥҵаразы.

Адҵа

Иналукааша аҵарауаҩ, аҳәынҭқарратә усзуҩы, "Ахьӡ-Аԥша" аорден I аҩаӡара занашьоу Иури Николаи-иԥа Воронов диижьҭеи 80 шықәса аҵра иазку аиубилеитә усмҩаԥгатәқәа разырхиареи рымҩаԥгареи хықәкыс иҟаҵаны иаԥҵазааит Аҳәынҭқарратә комиссиа абри аилазаарала:

Гәынба Б. З. – Аԥсны Аҳәынҭқарра Ахада Ихаҭыԥуаҩ - Аҳәынҭқарратә  комиссиа ахантәаҩы;

Ашәба А. Е.- Д.И.Гәлиа ихьӡ зху  Аԥсуаҭҵааратә институт адиректор;

Бӷажәба О.Хә. – Аԥсны Аҭҵаарадыррақәа ракадемиа академик, Д.И.Гәлиа ихьӡ зху  Аԥсуаҭҵааратә институт аҭоурых аҟәша аиҳабы;

Воронова С.В. – Воронов Иу.Н. ихьӡ зху Аҭҵаарадырра-культуратә центр Ахантәаҩы; 

Гәарамиа А.А. – Аԥснытәи аҳәынҭқарратә Университет аректор;

Џьапуа З.Џь. – Аԥсны Аҭҵаарадыррақәа ракадемиа Ахада; 

Џьапуа А.И. – Аԥснытәи аҳәынҭқарратә музеи адиректор;

Сангәлиа Г.А. – Аԥсны Аҳәынҭқарра акультура аминистр ихаҭыԥуаҩ;

Шамба С.М. – Аԥсны Аҳәынҭқарра Ашәарҭадара Ахеилак Амаӡаныҟәгаҩ; 

Ешба Б.Ф. – Аҟәа ақалақь Администрациа ахада.

 

 

 

Last modified on Асабша, 02 Жьҭаара 2021 12:49