Аҟәа. Лаҵарамза 2, 2023 шықәса. Аԥсныпресс. Аԥсны аҩаша, лаҵараза 2 рзы Аминералтә ӡқәа рыҟны имҩаԥысуа Кавказтәи аинвестициатә цәыргақәҵа иалахәхоит.
Ацәыргақәҵа Урыстәыла арегионқәа ринвестициатә потенциал аҿиара азы аҳәынҭқарреи абизнеси рыбжьара аусеицура азы иҿыцу плошьадканы иҟалоит. Аусмҩаԥгатә алахәылацәа аинфраструктуратәи аинновациатәии апроектқәеи апрограммақәеи рынагӡара аусхкы аҿы ҳаамҭазтәи атенденциақәеи аперспективақәеи рбареи реилкаареи рзы алшара роуеит», - ҳәа адырра ҟаҵоуп «Это Кавказ» асаит https://etokavkaz.ru аҿы.
Лаҵарамза 3 – 4 рзы имҩаԥысло Кавказтәи аинвестициатә цәыргақәҵа аусуратә программа иалагалоуп асессиақәеи астол гьежьқәеи.
Раԥхьатәи амш, лаҵарамза 2 азы ацәыргақәҵатә експозициа аусура иалагоит. Рыстендқәа рыдгалара мҩаԥыргоит Ареспублика Даӷьсҭан, Чечентәылатәи Ареспублика, Ингуштәи Ареспублика, Нхыҵ Уаԥстәыла-Аланиа, Ҟабарда-Балкариатәи Ареспублика, Ҟарачы-Черқьестәи Ареспублика, Ставропольтәи атәылаҿацә, иара убас Аԥсны Аҳәынҭқарреи Аахыҵ Уаԥстәылеи. Аекспозициа азона хаданы иҟалоит Акционертә Еилазаара «Кавказ.РФ» аҿиара Аинститут» еидкылоу астенд. Араҟа Нхыҵ Кавказ акурортқәа анаҩстәи рыҿиара азы апланқәеи амакрорегион ихадоу аинвестициатә проектқәеи рыдгалара мҩаԥгахоит.
Аиҿкааҩцәа ишеиҭарҳәаз ала, астендқәа рырхиара аҿы аконцепциа «Кавказ амшынынтәи амшын аҟынӡа» аныԥшуеит. Араҟа агеографиатәи аҭоурыхтәи аобиектқәа аҭааҩцәа рыблаҿы иааиуа иҟаҵахоит, ареспубликақәа зегьы ркалориат аныԥшлоит, астол гьежьқәеи асессиақәеи ракәзар, атранспорт-логистикатә комплекс, ацифроизациа, анхараҭа-коммуналтә нхамҩа, Нхыҵ-Кавказтәи афедералтә округ ааглыхра аекономикатә перспективақәеи атерриторриақәа аимиџь ашьҭыхреи, уҳәа азҵаарақәа ирызкхоит.
Лаҵарамза 3 рзы аусуратә программа аӡахәааӡареи аҩыҟаҵареи, атуризм, Жәларбжьаратәи Атранспорт Корридор «Север — Юг» атерриториа аекономикатә ҿиара аҿы инанагӡо ароль, уҳәа иазкхоит.
Лаҵарамза 4 аҿартә политика, аусдкылареи стартап ҳәа изышьҭоу акоммерциатә идеиак ала ишьаҭарку, аҿиара азы афинанстәра зҭаху апроектқәеи рылацәажәара иамшхоит. , уҳә
