18.Лаҵара.2023

Виктор Фисенко аԥхынтәи аамҭахәҭазы урыстәылатәи аҳақьымцәа амаҵураныҟәара аҳасабала Аԥсныҟа раашьҭра аеффективра злоу ԥышәаны иԥхьаӡоит.

Аҟәа. Лаҵарамза 18, 2023 шықәса. Аԥсныпресс. Урыстәыла агәабзиарахьчара Аминистрра аҿы Аԥсны агәабзиарахьчара аминистр Едуард Быҭәбеи Урыстәыла агәабзиарахьчара аминистр актәи ихаҭыԥуаҩ Виктор Фисинкои реиԥылара мҩаԥысит, ҳәа адырра ҟанаҵоит Аԥсны агәабзиарахьчара Аминистрра апресс-маҵзура.

Виктор Фисенкои Едуард Быҭәбеи агәабзиарахьчара иадҳәаланы аҩганктәи аусеицура азҵаарақәа ирылацәажәеит.  Ирылацәажәеит иара убас иааиуа акурорттә сезонгьы.

Урыстәылатәи аколлегацәа ихадоу азҵаарақәа зегьы рыла ацхыраара аҭара ишазхиоу азгәарҭеит.

Виктор Фисенко аԥхынтәи аамҭахәҭазы аспециалистцәа реиҭныԥсахлареи урыстәылатәи аҳақьымцәа-аинфекционистцәеи апедиатрцәеи амаҵураныҟәара аҳасабала Аԥснытәи амедусбарҭақәа рышҟа раашьҭреи аеффективра злоу ԥышәаны иԥхьаӡоит ҳәа иазгәеиҭеит. Иара Аԥсни Урыстәылеи ирыбжьоу аимабзиаратә еизыҟазаашьақәеи агәабзиарахьчара аусхкы аҿы аҩганктәи аусеицуреи рыҿиара иаҵоу аҵакы ахадара инаҵшьны иазгәеиҭеит. 

 

 


Read 216 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.