АУСШӘҞӘҚӘА

Аҩаша, 01 Цәыббра 2020 17:52

2020-2021-тәи аҵарашықәс алагаразы аиҿкааратә усмҩаҧгатәқәа ақәныҟәаразы адҵа

Адҵа № 163
 
ақ. Аҟәа 31.08.2020ш.
 
2020-2021-тәи аҵарашықәс алагаразы.
 
Аҧсны Аҳәынҭқарра Аҵареи абызшәатә политикеи рминистрра арҵаратә план инақәыршәаны Аҧсны азеиҧшбжьаратә школқәа зегь рҟны цәыббрамза 1 инаркны 2020-2021-тәи аҵарашықәс алагазааит.
 
2020-2021-тәи аҵарашықәс алагаразы аиҿкааратә усмҩаҧгатәқәа ақәныҟәаразы адҵа ҟасҵоит:
 
1. Акласс аҟны 20-ҩык инареиҳаны иахьтәоу аҵаҩцәа шазааит ҩ-гәыԥкны. Рҵара шьақәыргылазааит гәыԥ-гәыԥла мышкы бжьыхны мышкы.
2. Аныҳәатә цәаҳәа мҩаԥгазааит ҿыц ашкол ахь зшьаҿа еихызго 1-тәи акласс аҵаҩцәа рзы 15 минуҭ иреиҳамкәа.
3. Аҟәатәи абжьаратә школ №6 В. Комаров ихьӡ зху аартхоит цәыббрамза 7 инаркны, ачымазаратә ҿкы иахҟьаны.
4. Арҵаҩцәа 65 шықәса иреиҳаны изхыҵуа Аԥсны Аҳәынҭқарра аҳақьым хада иҟалҵаз абжьгарақәа инарықәыршәаны аурокқәа рымҩаԥгараан иныҟәыргалароуп асабрадақәеи, анапҭырԥақәеи ачымазара ҿкы рацәыхьчаразы. Иара убас иаԥҵатәуп аҭагылазаашьа арҵаҩцәа ҿарацәа ашколқәа рҿы аусура радыԥхьаларазы.
5. Аклассқәа рҟны 18-20-ҩык иреиҳаны аҵаҩцәа тәамзароуп, иара убас 06.05.15 шықәсазы иҟаҵаз Адҵа №150 инақәыршәаны ирыдгалазааит ашколхәыҷқәа нхарҭа ҭыԥла иахьаҵанакуа ашколқәа рахь риагара иахьынӡазалшо.
6. Аныҳәақәа, азеиԥш школтә цәаҳәақәа, амассатә усмҩаԥгатәқәа рымҩаԥгара мап рцәыркроуп, ашкол ашҭаҿы имҩаԥыргогьы убрахь иналаҵаны, 2-тәи апункт аламҵаӡакәа.
7. Аиҵбыратә классқәеи, аиҳабыратә классқәеи рзы ашкол аҩналарҭақәа хаз-хазы еиҿказааит, мамзаргьы рыҩналара еиҟәганы ирманшәалазааит.
8. Аҩналарҭакәа зегьы рҿы асанитартә нормақәа ирықәшәо адизенфекциатә усмҩаԥгатәқәа мҩаԥгазааит.
9. Алагарҭатә классқәа рҟны аурокқәа рҭаӡара 30 минуҭ, аиҳабыратә 40 минуҭ иреиҳамзароуп, аԥсшьара аамҭа 10-15 минуҭ ыҟазароуп аклассқәа аҳауа рыҩнарсразы. 10. Амедицинатә усзуҩцәа школцыԥхьаӡа имҩаԥыргалароуп иахәҭоу апрофилактикатә усмҩаԥгатәқәа. Амедицинатә усзуҩцәа ахьагу ашколқәа аамҭа маҷ иҭагӡаны иадыԥхьалатәуп. 11. Ашкол уадақәа аԥша рыҩнарсра алыршаразы, амардуанқәа рмаакырақәеи ашәқәа рымаақәеи рыцқьалатәуп адезинфекциатә маҭәашьарқәа рыла ес 2-3-сааҭ. 12. Аклассқәа рҟны ҭагалан-аӡынтәи аамҭазы ишьақәыргыланы рхы иадырхәароуп УФО-арециркулиаторқәа.
 
Адҵа анагӡара ахылаԥшра лнапы ианызааит Кәыҵниа Нона Апполон-иԥҳа Аԥсны Аҳәынҭқарра Аҵареи абызшәатә политикеи рминистрра азеиԥши азанааҭтә ҵареи рыҟәша аспециалист хада.
 
Аминистр И.С. Габлиа
 
 
 


 
 
 
 
 
 
РГУ "АПСНЫМЕДИА" Информационное Агентство "АПСНЫПРЕСС" © 2022 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.