17 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Ажьырныҳәа 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Items filtered by date: Ашәахьа, 17 Ажьырныҳәа 2022

Аҟәа. Ажьырныҳәамза 17, 2022 шықәса. Аԥсныпресс. Ауааԥсыра акоронавирусттә ҿкы чымазара рацәыхьчара азы Акоординациатә Штаб  ажьырныҳәамза 17  аламҭалазы атәыла аҩныҵҟа ишьақәгылаз аепидимиологиатә ҭагылазаашьа азы адырра ҟанаҵоит. Убас, иҟоу адыррақәа рыла, уахыки-ҽнаки рыла 555-ҩык акоронавирус азы атест иахысит, урҭ рахьынтә COVID-19 азы 145-ҩык  рдиагноз шьақәырӷәӷәоуп. 

Гәдоуҭатәи ахәышәтәырҭа хада аҿы астационартә хәышәтәра иахысуеит COVID-19 азы рдиагноз шьақәырӷәӷәоу 82-ҩык, урҭ рахьынтә  згәабзиара аҭагылазаашьа уадаҩу рхыԥхьаӡара 24 -ҩык рҟынӡа инаӡоит, 61 –ҩык апациентцәа рҭагылазаашьа бжьаратәуп.

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2022 шықәса. Аԥсныпресс.  Ажьырныҳәамза 17 рзы Аԥсны адәныҟатәи аусқәа Рминистрра аҟны атәыла адәныҟатәи аусқәа рминистр Инал Арӡынбеи Ҭырқәтәыла иҟоу аԥсуа культуратә Центрқәа рхантәаҩы Мураҭ Махариеи реиԥылара мҩаԥысит, ҳәа иаанацҳауеит Аԥсны адәныҟатәи аусқәа Рминистрра апресс-маҵзура.

Аԥсны адәныҟатәи аусқәа Рминистрра аофициалтә саит иҟанаҵо адыррақәа рыла, иарбоу аиԥылара аҳәаақәа ирҭагӡаны, Мараҭ Махариа Инал Арӡынба Афедерациа имҩаԥнаго аусура азы адырра ииҭеит. Ахәҭакахьала, уи Ҭырқәтәылатәи аԥсуа диаспора аидкылареи Аԥсны Аҳәынҭқарра Ҭырқәтәылеи иааизакны арегион аҿы апопулиаризациеи иазкны имҩаԥгоу ауснагӡатәқәа дырзааҭгылеит. Афедерациеи Аԥсны Аҳәынҭқарра аминистррақәеи ахылаԥшырҭақәеи русеицура иадҳәалоу актуалра злоу азҵаарақәа жәпакы ҷыдала иазгәеиҭеит.

Аиԥылара иалахәыз Аԥсни Ҭырқәтәылеи рыжәларқәа рыбжьара аимабзиаратә еизыҟазаашьақәа рыҿиареи рырӷәӷәареи рзы иҟоу акультуратәии жәлар рдипломатиеи ахархәара иаҵоу аҵакы ахадара азгәарҭеит.

Икьыԥхьуп АЖӘАБЖЬҚӘА

Аҟәа. Ажьырныҳәмза 17, 2022 шықәса. Аԥсныпресс.  Ажьырныҳәамза 17 рзы Аԥсны адәныҟатәи аусқәа Рминистрра аҟны атәыла адәныҟатәи аусқәа рминистр Инал Арӡынбеи Ҭырқәтәыла иҟоу аҷыдалкаатә зинмчы змоу Аԥсны Аҳәынҭқарра ахаҭарнак  Ибрахим Аҩӡбеи реиԥылара мҩаԥысит.  

Ибрахим Аҩӡба Инал Арӡынба Ҭырқәтәыла иҟоу Аԥсны Аҳәынҭқарра Ахаҭарнакра инанагӡо аусура азы адырра ииҭеит. Ахәҭакахьала,  уи Ҭырқәтәыла иҟоу аԥсуа диаспореи кавказтәи адиаспореи руаажәларратә еиҿкаарақәа аус рыцура шымҩаԥысуа атәы дазааҭгылеит.

Аԥсны адәныҟатәи аусқәа рминистр Инал Арӡынба Аԥсны Аҳәынҭқарра аобективтә ахьӡ-аԥша ашьақәырӷәӷәара хықәкыс иҟаҵаны Ҭырқәтәыла иҟоу ауаажәларратә еиҿкаарақәа аус рыцура иаҵоу аҵакы хада инаҵшьны иазгәеиҭеит.

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2022 шықәса. Аԥсныпресс. Аԥсны агәабзиарахьчара Аминистрра адыррақәа рыла, ԥхынҷкәынмза 30 2021 шықәса инаркны ажьырныҳәамза  16, 2022 шықәсанӡа «Спутник Лаит» (апартиа ҿыц) ала акоронавирустә ҿкы чымазара аҟынтәи алаҵа ҟарҵеит  925 – ҩык.

COVID-19 апандемиа алагара инаркны апрепорат «Спутник Лаит» ала алаҵа ҟарҵахьеит  6 354-ҩык.

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2022 шықәса. Аԥсныпресс. Ареспубликатә асанитартә епидемиологиатә Станциа ҳазҭалаз ашықәс ҿыц  17 мшы рыла COVID-19 алаҽра азы 4 552  алабораториатә ҭҵаара мҩаԥнагеит.  Урҭ рахьынтә 975 – ҩык рҿы акоронавирустә ҿкы чымазара азы рдиагноз шьақәырӷәӷәахеит.

Ажьырныҳәамза  1 инаркны 17 – ҩык рыԥсҭазаара ишалҵыз азы адыррақәа  ашәҟәы иҭагалоуп. Абри азы атәыла аԥыза-министр Алеқсандр Анқәаб адырра илҭеит Аԥсны асанитартә ҳақьым Хада Лиудмила Скорик.  

2021 шықәса аиԥш-зеиԥшу аамҭахәҭа азы имҩаԥган 6 624 алабораториатә ҭҵаара, иаарԥшын ачымазара злаҽу 1 635-ҩык.

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2022 шықәса. Аԥсныпресс. Ауаажәларратә Палата ишьақәгылаз  аполитикатә кризис алҵра азы иаку аконцепциа аԥҵара хықәкыс иҟаҵаны, аполитикатә партиақәеи ауаажәларратә еиҿкаарақәеи алархәны ауаажәларратә консультациақәа мҩаԥнагоит.  Ажьырныҳәамза 18 рзы ареспубликатә партиақәа «Аԥсны Жәлар ракзаара Афорум», «Аԥсны Акзаара», «Аиҭаира» ахаҭарнакцәа рԥылара мҩаԥысуеит. Аиԥыларақәа амассатә информациа ахархәагақәа рхаҭарнакцәа аламырхәӡакәа имҩаԥыслоит.

Икьыԥхьуп АЖӘАБЖЬҚӘА
Ашәахьа, 17 Ажьырныҳәа 2022 13:43

ИШЬАҚӘЫРӶӘӶӘОУП АЛХРАТӘ ОКРУГҚӘА РСИА.

Аҟәа. Ажьырныҳәамза 17, 2022 шықәса. Аԥсныпресс. Хәажәкырамза 12 рзы имҩаԥысраны иҟоуп Аԥсны Жәлар Реизара-Апарламент ахь адепутатцәа ралхрақәа.  Алхратә Комиссиа Хада алхыҩцәа рхыԥхьаӡареи алхратә округқәа рҳәаақәеи, рыҟазаара аҭыԥқәеи зну алхратә округқәа рсиақәа  рышьақәырӷәӷәара мҩаԥнагеит. ***

Алхратә округ №1 (Аҳабла Ҿыц) Ацентр:

Аҩнусбарҭа № 5, Агрба имҩаду, аҩны №3.

Аҳәаақәа: аладантәи: аихамҩа инаваршәны; мрагыларантәи Аргәын имҩаду аҟынӡа; мраҭашәарантәи Аҟәа араион аҳәаа аҟынӡа; аҩадантәи – Агрба имҩа еиҩшо аган; мрагыларантәи – Киараз имҩала игылоу аҩнқәа №14 инаркны №20 уахь иналаҵаны; мраҭашәарантәи – Аҟәа араион иахьаԥну аҟынӡа, Гәымсҭа Амассив уахь иналаҵаны.

Алхыҩцәа заанаҵтәи рхыԥхьаӡара: 5111 – ҩык рҟынӡа инаӡоит.

Алхратә округ №2 (Аҳабла Ҿыц) Ацентр: абжьаратәи ашкол № 5 ахыбра, Картозиа имҩаду, аҩ. №7.

Аҳәаақәа: аладантәи: Аргәын имҩаду ала иҟоу аргыларақәа, Киараз имҩа еиҩымшо агани еиҩшо аган ала игылоу аҩнқәа № 2 инаркны 12 аҟынӡа; Агрба имҩа еиҩымшо аган; аладантәии мрагыларантәии – Севернаиа амҩа уахь иналаҵаны; мраҭашәарантәи – Гәымсҭатәи амҩа аҩны №27 уахь иналаҵаны.

Алхыҩцәа заанаҵтәи рхыԥхьаӡара: 5598 – ҩык рҟынӡа инаӡоит.

Алхратә округ №3 (Аихамҩа Аҳабла) Ацентр: Аҩнусбарҭа №4, Ешба имҩаду аҩны №169.

Аҳәаақәа: аладантәи–Деповскаиа амҩала аихамҩа инаваршәны; мраҭашәарантәи Севернаиа амҩа аҟынӡа; аҩадантәи Аҟәа араион иахьаԥну аҟынӡа;  мрагыларантәи Ҭраԥшь имҩа аҟынӡа уахь иналаҵаны.

Алхыҩцәа заанаҵтәи рхыԥхьаӡара: 4884 - ҩык рҟынӡа инаӡоит.

Алхратә округ №4 (Аҩадатәи) Ацентр: Ақалақьтә поликлиника, Ӡиӡариа имҩаду, аҩны № 20.

Аҳәаақәа: мраҭашәарантәи – Ԥачлиа имҩаууи Аланаа рымҩеи (уахь иналаҵаны); аҩадахьала – Аҟәа араион иахьаԥну аҟынӡа; мрагыларантәи Аҟәатәи ашьха аҟынӡа; аладантәи – аихамҩа.

Алхыҩцәа заанаҵтәи рхыԥхьаӡара: 3764 - ҩык рҟынӡа инаӡоит.

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2022 шықәса. Аԥсныпресс. Ажьырныҳәамза 21 – 24 рзы Жәларбжьаратәи ашахматтә фестиваль «Аԥсны Open» аҳәаақәа ирҭагӡаны имҩаԥысраны иҟоуп Жәларбжьаратәи иаарту ашахматтә  рапид-турнир «АԤСНЫ. ТАМШЬ-VILLAGE 2022».

Атурнир адиректор – Аԥсны ашахматқәа Рфедерациа Апрезидент Константин Ҭыжәба, аӡбаҩ хада –  Аԥсны Аҳәынҭқарра I акатегориа аӡбаҩ Оҭар Хәырхәмал. 

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2022 шықәса. Аԥсныпресс. Ажьырныҳәамза 17 рзы атәыла адәныҟатәи аусқәа Рминистрра аҿы Аԥсны адәныҟатәи аусқәа рминистр Инал Арӡынбеи Шьамтәыла иҟоу Аԥсны Ацҳаражәҳәаҩ Баграҭ Хәытабеи реиԥылара мҩаԥысит.  

Ацҳаражәҳәаҩ Шьамтәылатәи Арабтәи Ареспублика аҟны иҟоу Аԥсны Ацҳаражәҳәарҭа изаамҭанытәиу аусура атәы далацәажәеит, ахәҭакахьала, аамҭа кьаҿ иалагӡаны аконсултә ҟәша аԥҵара ахымԥадатәра инаҵшьны иазгәеиҭеит, - ҳәа адырра ҟанаҵоит Аԥсны Аҳәынҭқарра адәныҟатәи аусқәа Рминистрра аофициалтә саит.

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2021 шықәса. Аԥсныпресс.  Аҳаиртә звольҳараку афымцацәаҳәа «Мысра»  аҟны иҟалаз аусура аиԥҟьара арҽеира алыршахеит.

Икьыԥхьуп АЖӘАБЖЬҚӘА

Аҟәа. Ажьырныҳәамза 17, 2022 шықәса. Аԥсныпресс. Аԥсны алхратә Комиссиа Хада Аԥсны Жәлар Реизара-Апарламент адепутатцәа ралхрақәа реиҿкаареи рымҩаԥгареи ирызку аусмҩаԥгатәқәа рымзартә план шьақәнарӷәӷәеит. Алхыҩцәа рхыԥхьаӡареи алхратә округқәа рҳәаақәеи, рыҟазаара аҭыԥқәеи зну алхратә округқәа рсиақәа реиқәыршәареи ркьыԥхьреи - ажьырныҳәамза 21 аҟынӡа.

Алхратә округқәа ркомиссиақәа раԥҵара –ажьырныҳәамза 31аҟынӡа.

Алхратә ҭыԥхадақәеи алхратә ҭыԥхадатә комиссиақәеи раԥҵара -  ажьырныҳәамза 31 аҟынӡа.

Аполитикатә партиақәа, аԥшьгаратә гәыԥқәа  рышәҟәҭагалара  - 2022 шықәса, ажьырныҳәамза 21 инаркны жәабранмза 10 аҟынӡа, асааҭ  18:00 аҟынӡа.

Адепутатрахь акандидатцәа рықәыргылара  - 2022 шықәcа, ажьырныҳәамза 21 инаркны жәабранмза 10, 18:00 аҟынӡа. Адепутатрахь акандидатцәа рышәҟәҭагалара 2022 шықәса, жәабранмза  10 инаркны хәажәкырамза 2 аҟынӡа.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me