АЖӘАБЖЬҚӘА

Аҟәа. Мшаԥымза 12, 2021 шықәа. Аԥсныпресс. Аԥсны Аҳәынҭқарра Ахада Аслан Бжьаниа Аԥсны Аҳәынҭқарра ауааԥсыра коронавирустә ҿкы чымазара COVID-19 рацәыхьчара иазку Акоординациатә Штаб 2021 шықәса мшаԥымза 12 аҟнытә азыӡба шьаҭас иаҭаны, «Аԥсны Аҳәынҭқарра ауааԥсыра коронавирустә ҿкы чымазара COVID-19 рацәыхьчара иазку ауснагӡатәқәа рзы «2021 шықәса жәабранмза 9 аҟн. Аԥсны Аҳәынҭқарра Ахада Идҵа аԥсахрақәа ралагаларазы» Адҵа инапы аҵаиҩит. 

Аҟәа. Мшаԥы 14, 2021. Аԥсныпресс. Иахьа Аҧсны Аҳәынҭқарра Ахада дидикылеит ааҩык ахшара зааӡо Светлана Габлаиа.  

Аҟәа. Мшаԥымза 12, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Оҭари Иона-иԥа Аршба «Ахьӡ-Апша» аорден II аҩаӡара ианашьаразы Аусԥҟа инапы аҵаиҩит.

Аусԥҟа атекст аҟны иҳәоуп:

«Аԥсны Аҳәынҭқарреи Урыстәылатәи Афедерациеи рыбжьара аҳәынҭқаррабжьаратә еизыҟазаашьақәа рырӷәӷәараҟны илагаламҭа ду азы «Ахьӡ-Аԥша» аорден II аҩаӡара ианашьазааит Аршба Оҭари Иона-иԥа».

Оҭари Аршба – урыстәылатәи аполитик, Аҳәынҭқарратә Дума  IV, V, VI и VII ааԥхьарақәа адепутат,  апартиа «Урыстәыла Акзаара» алахәыла.

Аҟәа. Мшаԥымза 12, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Очавмчыра араион ахада инапынҵақәа рынагӡаҩы изы Аусԥҟа инапы аҵаиҩит. «Аԥсны администратиатә-ҵакырақәа рҿы анапхгараҭара азы» азакәан ахәҭаҷ 24 инақәыршәаны Габелаиа Артиом Гиви-иԥа Очамчыра араион ахада инапынҵақәа рынагӡара аҟынтәи ихы дақәиҭтәызааит. Очамчыра араион ахада инапынҵақәа рынагӡаҩыс дҟаҵазааит Бигәаа Беслан Владимир-иԥа»,-ҳәа иаҳәоит Аҳәынҭқарра Ахада иҭижьыз Аусԥҟа аҟны.

Мшаԥымза 12, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа иахьа ихьуаз акоронавирустә ҿкы чымазара COVID-19 ачымазара аҟнытә иҽанихәышәтә ашьҭахь знапынҵақәа рынагӡара  хацзыркыз аԥыза-миниср Алеқсандр Анқəаб далархəны аусуратə еиԥылара мҩаԥигеит.

Аҳәынҭқарра Ахадеи аԥыза-министри атəылаҿы иҟоу аҭагылазаашьеи анагӡаратə мчра ааигəа инанагӡараны иҟоу аусура азԥхьагәаҭақәеи ирылацəажəеит.

Аҟәа. Мшаԥымза 12, 2021 шықәса. Аԥсныпресс.  Атәыла аԥыза-министр Алеқсандр Анқәаб аԥыза-министр ихаҭыԥуаҩ, афинансқәа рминистр Владимир Делба дидикылеит, ҳәа иаанацҳауеит аминистрцәа Реилазаара апресс-маҵзура.

«Абзиара шәымаз Владимир Валери-иԥа.  Исзеиҭашәҳәар сҭахын атәыла абиуџьеттә усхкы аҿы иҟоу аусқәа рҭагылазаашьа атәы, ахылаԥшырҭақәа рыпроектқәа рфинанстәра, акоронавирустә ҿкы чымазара COVID-19 аҿагылара иадҳәалоу ахарџьқәа рхарҭәаара, уҳәа шымҩаԥысуа ртәы», - ҳәа аиԥылара аартуа иҳәеит Алеқсандр Анқәаб.

Аԥсны Аҳәынҭқарра Ахада Аԥсны Жәлар рартист, Аԥснытәи АССР зҽаԥсазтәыз акультура аусзуҩы , С. Ҷанба ихьӡ зху Аԥсуа ҳәынҭқарратә драматә театр арежиссиор Никуала Чқәан иԥсҭазаара иалҵра инамаданы иҭынхацәа дрыдышшылеит.

Аҟәа. Хәажәкыра 29. Аԥсныпресс. Аслан Бжьаниа Амилаҭ библиотека 100-шықәса ахыҵра инадҳәаланы адныҳәалара ҟаиҵет. Адныҳәалара иаҳәоит:

“Ҳаҭыр зқәу Аҧсны амилаҭтә библиотека аусзуҩца!

Гәык-ҧсык ала ишәыдысныҳәалоит И.Гь. Папасқьыр ихьӡ зху Аҧснытәи амилаҭтә библиотека 100 шықәса ахыҵра. Ари хҭыс дууп ҳажәлар зегь рзы. Амилаҭтә библиотека ҳажәлар гәадурас ирымоу акультуратә хәышҭаарақәа ираукуп.   Иара иамоуп аҭоурых ду.  Иаартын Аҧсны асовет мчра анышьақәгыла март мза 1921 шықәса рзы. Уи иаҳнарбоит Аҧсуа ҳәынҭқарра еиҭашьақәзыргылаз анапхгаҩцәа ажәлар аҵарадырра рыларҵәара аус зегь раҧхьа ишдыргылоз.

Аҟәа. Жәабран 27, 2021. Аԥсныпресс. Аԥсны Аҳәынҭқарра Ахада Аслан Бжьаниа Аԥсны амассатә информациа ахархәагақәа русзуҩцәа рзанааҭтә ныҳәа рыдиныҳәалеит.

Адныҳәалараҟны атекст аҟны иҳәоуп:

«Аԥсны амассатә информациа ахархәагақәа русзуҩцәа зегьы гәык-ҧсык ала ишәыдысныҳәалоит шәзаанаҭтә ныҳәа.

Аҧсны Ахада Терент Ҷаниа иԥсҭазаара иалҵра инамаданы иуацәеи иҭынхацәеи дрыдышшылеит

«Гәалсра дула срыдышшылоит Терент Ҷаниа иуацәеи иҭынхацәеи збаҩхатәреи, зыуаҩреи рыла Аԥсны еицырдыруа, иналукааша аҧсуа апоет, ашәҟәыҩҩы, апублицист, Аԥсни Урыстәылеи ажурналистцәа реидгылақәа ирылахәыз, Аԥсны Аҳәынҭқарра акультура зҽаԥсазтәыз аусзуҩы . иаалырҟьаны иԥсҭазаара иалҵра инамаданы.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
МИНИСТЕРСТВО ЭКОНОМИКИ РЕСПУБЛИКИ АБХАЗИЯ<br>Официальный сайт
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
ВСЯ АБХАЗИЯ<br>Официальный сайт
Яндекс.Метрика
© 2020 Сайт создан и поддерживается на технической базе  Агентства Правительственной Связи РА

Login to your account

Username *
Password *
Remember Me