09 Ԥхынкәын 2021

АЖӘАБЖЬҚӘА

ЖЬҬААРАМЗА 2000 ШЫҚӘСА РААХЫС ЗЫԤШААРА МҨАԤЫСУАЗ БЕСЛАН ҚӘҬАРБА ДААНКЫЛОУП.

Аҟәа. Жьҭаарамза 22, 2021 шықәса. Аԥсныпресс.  Жьҭарамза 21, 2021 шықәса рзы Гәылрыԥшь араион апрокуратура нанҳәамза  4, 2000 шықәса рзы Буава Д.М. иԥаареи автомашьына аӷьычреи, амилициа аусзуҩ иԥсҭазаара ашәарҭара аҭаргылареи изакәанымкәа иҭҟьо абџьар аҵәахреи аныҟәгареи иадҳәалоу афакт ала 1971 шықәса рзы ииз  Кәҭарба Беслан Валикәа-иԥа иганахьала ихацыркыз ашьаусеилыргара ала заанаҵтәи аусеилыргара ҩаԥхьа иалагеит. Абри азы адырра анылт Аԥсны апрокуратура Хада аофициалтә саит.    

Жьҭаарамза 25, 2000 шықәса рзы иарбоу ашьаусеилыргара аҳәаақәа ирҭагӡаны Кәҭарба Б.В. иԥшаара хацыркын, уи латәарада  ахьырхәрас изалхын аҭакра.

 Аҟәа. Жьҭаарамза 21, 2021 шықәса. Аԥсныпресс. Жьҭарамза 21 рзы Ҟарачы-Черкессиатәи Ареспублика аул Ԥсыж аҿы Аԥсны Жәлар Реизара-Апарламент Аиҳабы, афилологиатә наукақәа ркандидат Валери Кәарҷиа аԥсуааи абазааи рҭоурыхи рбызшәеи ирызку инаукатә усумҭақәа реизга аӡыргара мҩаԥысит.    

Аусмҩаԥгатә рхы аладырхәит Ҟарачы-Черкессиатәи Ареспублика акультура аминистр Зураб Агирбов, ҞЧА Анапхгара аҟны иҟоу агуманитартә ҭҵарақәа Ринститут адиректор  Рамазан Тхагапсов, аинститут аусзуҩцәа, аветерантә еиҿкаара, аинтеллигенциа, ауажәларра рхаҭарнакцәа.

Аҟәа. Жьҭаарамза 21, 2021 шықәса. Аԥсныпресс.   1992-1993 шш. Аԥсны  Аџьынџьтәылатәи еибашьра гәыԥҩык аветеранцәа аԥшьаша, жьҭаарамза  21 рзы Аԥсны Аҳәынҭқарра амассатә информациа ахархәагақәа русзуҩцәа Рассоциациа аплошьадка аҿы имҩаԥгаз абрифинг аҿы гәыԥҩык аветеранцәа апротесттә акциа амҩаԥгараз аҽазыҟаҵара ишалаго азы аҳәамҭа ҟарҵеит.   

Абрифинг рхы аладырхәит аибашьра аветеранцәа  Зураб Кокаиеи Дмитри Абыхәбеи  Апарламент адепутат Гиви Кәарҷиеи. Урҭ цәыббрамза  30 рзы     Амҳаџьыраа Рыԥшаҳәа аҿы иҟалаз аинцидент ашьҭахь атәыла аҩныҵҟатәи аусқәа рминистр Дмитри Дбар зыԥшра ҟамҵакәа иамхразы адҵа ықәдыргылеит.

Жәлар Реизара – Апарламент адепутат Гиви Кәарҷиа дзыԥхьаз аҳәамҭа атекст аҿы Аӡҩыбжьа ақыҭауаа иахьанӡа атәыла аҿы уеизгьы иуадаҩу аҭагылазаашьа еиҳагьы аибарххара ацәцара азы аибашьра аветеранцәеи Апарламент адепутати рыԥҟара иадҳәалоу ари ахҭыс аполитикатә ҟазшьа аҵаҵара рҭахӡамызт ҳәа иазгәаҭоуп. «Аха уи ашьҭахь иҟалаз ахҭысқәа урҭ аполитикатә хырхарҭа мацарала ишахәаԥштәу ҩаԥхьа идырҵабыргоит. Жьҭаарамза 4 рзы Аҳәынҭқарра Ахада амилициа аҟынтәи изакәанымкәа ааха зауз итәылауаа апрокурортә усеилыргара ада иара уаҳа илегитимтәу инструмент имам ҳәа ианреиҳәоз аамҭазы, атәыла анапхгара инанагӡо аполитика  иадгыло апартиақәа ҩба Апарламент адепутат Гарри Кокаиа ихымҩаԥгашьа иақәыӡбо, аҩныҵҟатәи аусқәа рминистр Дмитри Дбар дфырхаҵазтәуа ааԥхьара атекст аиқәыршәара иаҿын», - ҳәа инаҵшьны иазгәаҭоуп иарбоу аҳәамҭа аҿы.

Аветеранцәа Рхеилак аҿы Аҳәынҭқарра Ахада ишәарҭоу ацәгьаршра, апровакациақәа, атәыла  аҩныҵҟа аҭагылазаашьа аҭышәынтәалара шьақәзырҟьо амҩа дықәгылеит ҳәа агәаанагара ыҟоуп.

Аҟәа. Жьҭаарамза 21, 2021 шықәса. Аԥсныпресс. Аԥшьаша, жьҭаарамза  21 азы иаатит Алада-Урыстәылатәи Апарламенттә Ассоциациа (ЮРПА) XXXV Аконференциа.  

Уажәы Алада-Урыстәылатәи Апарламенттә Ассоциациа Ахантәаҩыс иҟоу Ареспублика Ҟрым Аҳәынҭқарратә Хеилак Ахантәаҩы Владимир Константинов иҟаиҵаз ажәалагала ала,  аконференциа амҩаԥгаразы иарбоу аформат аҵыхәтәантәи аамҭазы COVID-19 иахҟьаны ишьақәгылаз асанитар-епидемиологиатә ҭагылазаашьа инамаданы ашәарҭарақәа реиҵатәра хықәкыс иҟаҵаны Ассоциациа алахәылацәа зегьы ақәаршаҳаҭны ишьақәыргылан.  

  Аҟәа. Жьҭаарамза 21, 2021 шықәса. Аԥсныпресс.  Аԥсны Жәлар Реизара-Апарламент Аиҳабы Валери Кәарҷиа напхгара зиҭо аделегациа аофициалтә визит ала Ҟарачы-Черкессиатәи Ареспублика иаҭаауеит.   

Аделегациа аилазаараҿы иара убас иҟоуп: Асҭамыр Ҭарба – аграртә политика, аԥсабаратә ресурсқәеи аекологиеи рзы апарламенттә Еилакы ахантәаҩы; Каха Пертаиа – аҳәынҭқарра-зинтә политика азы апарламенттә Еилакы ахантәаҩы; Вадим Бжьаниа – Жәлар Реизара-Апарламент Аппарат анапхгаҩы.

Аҟәа. Жьҭаарамза 21, 2021 шықәса. Аԥсныпресс. Аԥсны аԥыза-министр Алеқсандр Анқәаб жьҭаарамза 20 рзы агәабзиарахьчара асистема анапхгараҭареи апсихиатриатә чымазцәа рыхәшәтәразы ахәышәтәырҭа анапхгараҭареи  алархәны аусуратә еилатәара мҩаԥигеит.

Аминистрцәа Реилазаара аофициалтә саит излаанацҳауа ала, аиԥылара аҿы иарбоу ахәышәтәырҭа анапгараҭаратәии анхамҩатәии аусура ахылаԥшра аҭара, иара убас акадртә еиқәыршәареи ахәышәтәырҭа иахьаҵанакуа игылоу акорпусқәа рыхьчареи ирыдҳәалоу азҵаарақәеи ирылацәажәеит.

Аҟәа. Жьҭаарамза 21, 2021 шықәса. Аԥсныпресс. Аԥсны аԥыза-министр Алеқсандр Анқәаб ахаша, жьҭаарамза  20  рзы аԥыза-министр ихаҭыԥуаҩ, афинансқәа рминистр Владимир Делба, агәабзиарахьчара аминистр Едуард Быҭәба алархәны аусуратә еилацәажәара мҩаԥигеит, ҳәа адырра ҟанаҵоит аминистрцәа Реилазаара апресс-маҵзура.

Аиԥылара аҿы иалацәажәеит COVID-19 иаҿагыланы ақәԥара ахарџь адинамика, иара убас астационарқәа рҿы ишьҭоу ачымазцәа рыхәтәразы ихымԥадатәиу аҵәыҵәрии ахәшәқәеи, уҳәа ихымԥадатәиу амаҭәарқәеи рыла аиқәыршәара мҩаԥызго аиҿкаарақәеи аусбарҭақәеи рҿаԥхьа ауалқәа ршәара иадҳәалоу азҵаарақәеи.  Афинансқәа рминистр ахәышәтәырҭқәа рынагӡара рфинанстә   ҭаххрақәа реизырҳара шыҟоу азгәеиҭеит.  

«Аҵыхәтәантәи амчыбжь азы ҳара агәабзиарахьчара асистема 30 млн 200  нызықь мааҭ рҟынӡа афинанстәра мҩаԥаагеит», - ҳәа иҳәеит атәыла афинансқәа рминистр Владимир Делба.  

Аҟәа. Жьҭаарамза 20, 2021 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 541-ҩык, COVID-19 азы адиагноз 163-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп  94  – ҩык апациентцәа, 25 -ҩык ргәабзиара аҭагылазаашьа акыр иуадаҩуп, 40 -ҩык апациентцәа рҭагылазаашьа бжьаратәуп.

Аҟәатәи аинфекциатә хәышәтәырҭа аҿы ишьҭоуп 42-ҩык апациентцәа, 15-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 21-ҩык, Гагратәи араионтә хәышәтәырҭа Хада аҿы – 34, 5-ҩык, ргәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 15  - ҩык апациентцәа. Аҟәа ақалақь аҿы аус зуа Урыстәылатәи арратә хәышәтәырҭа аҿы ишьҭоуп 94 -ҩык апациентцәа, урҭ рахьынтә  12–ҩык ргәабзиара аҭагылазаашьа акыр иуадаҩуп. Гәдоуҭатәи аковидттә хәышәтәырҭа аҿы лыԥсҭазаара далҵит 44 шықәса зхыҵуаз аԥҳәыс.

Аҟәа. Жьҭаарамза 20, 2021 шықәса. Аԥсныпресс. Ахаша, жьҭаарамза  20 рзы Аҳәынҭқарра Ахада Аслан Бжьаниа Гагреи Гәдоуҭеи араионқәа рахь аинспекциатә ныҟәара мҩаԥигеит.  

Аусуратә ныҟәара аихшьаалақәа ҟаҵо, Аҳәынҭқарра Ахада ас еиԥш аинспекциатә ныҟәарақәа аамҭа-аамҭала имҩаԥыслоит ҳәа инаҵшьны иазгәеиҭеит.

«Ҳара урыстәылатәи аган ахь афинанстәра ашәагаақәа реизырҳара азы аҳәара ҟаҳҵоит. Уи азы иазԥхьагәаҭоу апроектқәа излауа ала ирласны иахәҭоу ахаҭабзиара аҭаны рынагӡара алҳаршароуп. Убри аҟнытә ари азҵаара сара хаҭала ахылаԥшра асҭалоит. Аинвестициатә Программа анагӡара ахылаԥшра азҭало аштаб аԥҵахоит. Ари апроцесс иахьа ихацыркхоит», - ҳәа инаҵшьны иазгәеиҭеит Аслан Бжьаниа. Аҳәынҭқарра Ахада иахьа изҭааз аобиектқәа зегьы ареспублика азы аҵакы ду аҵоуп ҳәа иазгәеиҭеит.

Аҟәа. Жьҭаарамза 20, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Шьамтәылатәи Арабтә Республикаҟны иҟалаз арыцҳара инамаданы Ахада Башар-аль-Асад ишҟа адышшыларатә цҳамҭа ишьҭит.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me