01 Ԥхынкәын 2021

АЖӘАБЖЬҚӘА

Аҟәа. Жьҭаарамза 20, 2021 шықәса. Аԥсныпресс. Иахьа еицырдыруа аԥсуа ҭоурыхҭҵааҩы, аетнограф, алитературадырҩы, аҭоурыхҭҵааратә наукақәа рдоктор Шьалуа Денис-иԥа Инал-Иԥа (жьҭаарамза 20, 1916 ш. — цәыббрамза 22, 1995 ш.) иԥсы ҭазҭгьы 105 шықәса ихыҵуан.  

Шьалуа Инал-Иԥа – ҭауад хылҵышьҭран, Очамчыра араион Гәыԥ ақыҭан, амаҵурауаҩ иҭаацәараҿы диит.

Аҵарауаҩ илахьынҵа ижәлар гәакьа рлахьынҵа акыр еиԥшхеит, уи акыр ихьанҭан. 1922 шықәса­- иаб дыԥсит, 1935  шықәсазы Н. И. Вавилов иаспирантс иҟаз иашьа дҭаркит, аҵыхәтәнтәи аԥышәарақәа рыҭираан иан дшыԥсыз азы адырра иоуит.   

Иара 1936 шықәса рзы Н. Лакоба ихьӡ зху иҿырԥшыгоу школ  ибзиаӡаны далгеит, Москватәи афилософиеи алитературеи аҭоурыхҭҵаареи Ринститут (МИФЛИ) ахь адкыларатә ԥышәарақәа зеиӷьаҟам ала иҭиит.

Аҟәа. Жьҭаарамза 20, 2021 шықәса. Аԥсныпресс. Гагреи Гәдоуҭеи араионқәа рахь иусратә ныҟәара аҳәаақәа ирҭгӡаныАҳәынҭқарра Ахада Аслан Бжьаниа Гагра ақалақь апринц Ольденбургтәи ибаҳчаҿы аиҭашьақәыргыларатә усурақәа шцо гәеиҭеит.  

Аиҭашьақәыргыларатә усурақәа мҩаԥысуеит Аԥсны асоциал-економикатә ҿиара ацхыраара иазку Аинвестициатә программа аҳәаақәа ирҭагӡаны.

Шьаҭанкылатәи аиҭашьақәыргылара Аусбарҭа анапхгаҩы Ҭемыр Агрба Аҳәынҭқарра Ахада еиҳәеит  абаҳчаҿы ашьаҟамҩатә хаҳә ақәҵареи алашарбагатә шьаҟақәа рышьақәыргылареи рыда егьырҭ аусурақәа зегьы шхыркәшоу, иҳәеит амаҭәахәқәа зегьы шаахәоу. Афымцацәаҳәақәа зегьы ԥсахуп, алашарбагатә маҭәахәқәа амонтаж рзыруеит, абаҳчаҿи аԥшаҳәаҿи ахаҳәцәы ықәырҵоит.

Аҟәа. Жьҭаарамза 20, 2021 шықәса. Аԥсныпресс. Аԥсны ашәҟәыҩҩцәа аԥсуа шәҟәыҩҩцәа рыхьӡ иадҳәалоу агәаларшәагатә ҭыԥқәа, аҵараиурҭақәа, акультуратә ҽҳәаарақәа, уҳәа рзы аматериалқәа реизгара азы онлаин-конкурс мҩаԥнагоит.

Аконкурс мҩаԥгахоит 15 – 25 шықәса зхыҵуа аҿар рыбжьара.  

Онлаин-конкурс алахәхаразы хымԥада иарбатәуп: ухьӡ, ужәла, уабхьӡы, уира амш, унхарҭаҭыԥ, аҵара ахьуҵо, мамзаргьы узылгахьо аҵараиурҭа ахьӡ, уҭел аномер.

Аконкурс амҩаԥгара аҽҳәарақәа: цәыббрамза 15 инаркны ԥхынҷкәынмза 15, 2021 шықәсанӡа.

Аҟәа. Жьҭаарамза 20, 2021 шықәса. Аԥсныпресс.  Ҳазҭоу ашықәс цәыббрамза инаркны Аԥсны иалганы иган 252 тонн ацитрустә шәырқәа, ҳәа Аԥсныпресс акорреспондент иҿцәажәо ирҳәеит Аԥсны аҳәынҭқарратә ҳазылхратә Еилакы аҿы.  2020 шықәса аиԥш-зеиԥшу аамҭахәҭа азы атәыла иалганы иган 245 тонн, 2019 шықәсазы – 20 тонн.

Аҟәа. Жьҭаарамза 20, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Гәдоуҭеи Гагреи араиотнқәа рахь иусуратә ныҟәара аҳәаақәа ирҭагӡаны астанциаеиҵа «Гьечрыԥшь» даҭааит.  

Аԥыза-министр, аекономика аминистр  Кристина Озган Ахада иалҳәеит ари аиҵасҭанциа «Атехнопарк» фымцала аиқәыршәаразы хархәара аҭара шазгәаҭоу. Аха уи азы даҽа станциак шыргылатәу мамзаргьы ари амчхара рӷәӷәатәуп.

Аҟәа. Жьҭаарамза 20, 2021 шықәса. Аԥсныпресс. Ажьырныҳәамза 20 рзы Аԥсны Аҳәынҭқарра Ахада Аслан Бжьаниа 2020-2022 шш. Аԥсны Аҳәынҭқарра асоциалтә-економикатә ҿиара ацхрааразы аинвестпрограмма иалоу Гәдоуҭеи Гагреи араионқәа рҿы иҟоу афымцакаҭатә нхамҩа аобиектқәа рышҟа аусуратә ныҟәара мҩаԥигеит. 

Аҟәа. Жьҭаарамза 20, 2021 шықәса. Аԥсныпресс. Жьҭаарамза 19 рзы атәыла адәныҟатәи аусқәа Рминистрра аҿы  Ареспублика Никарагууа ахаҭарнакцәа алархәны авидеоконференциа мҩаԥысит.

Аиҿцәажәара аҩганк рганахьала иалахәын акультура, аҵарадырра, аспорт аусхкқәа рганахьала аус зуа аминистррақәа, ахылаԥшырҭақәа русзуҩцәа, - ҳәа адырра ҟанаҵоит Аԥсны адәныҟатәи аусқәа Рминистрра аофициалтә саит.

Авидеоконференциа  аминистррақәа рыбжьара аусеицура амҩаԥысра алацәажәареи, иара убас 2022 шықәсазы иазԥхьагәаҭоу ауснагӡатәқәеи ирызкын..

Аҟәа. Жьҭаарамза 19, 2021 шықәса. Аԥсныпресс.  Иахьа Аҟәа ақалақь аҿы иналукааша аҵарауаҩ-кавкаҭҵааҩы, аҭоурыхтә ҭҵаарадыррақәа рдоктор, еицырдыруа аҳәынҭқарратәи ауаажәларратәи  аусзуҩ, аԥсуа жәлар рмилаҭ-хақәиҭратә қәԥара аԥхьагылақәа иреиуаз Иури Николаи-иԥа Воронов (08.05 1941 - 11.09.1995) диижьҭеи 80 шықәса аҵра иазку  "Археологиеи аҭоурыхи ирызку адырра ҿыцқәа инарымаданы Кавкази Амшынеиқәаҿықәи ажәытәӡатәии аамҭақәа инадыркны ихьшәоу абжьаратә шәышықәсеи рҟынӡа” захьӡу Жәларбжьаратәи аҭҵаарадырратә конференциа аатит.

Жьҭаарамза 19 - 20 рзы Аҟәа ақалақь аҿы имҩаԥысло аконференциа ахь иааит Москва, Шәача, Маиҟәаԥ, Махачкала ақалақьқәа рҟынтәи аҵарауаа.

Аусмҩаԥгатә аиҿкааҩ – Д. И. Гәлиа ихьӡ зху Аԥсны Анаукақәа Ракадемиа иатәу Аԥсуаҭҵааратә Институт.  

Аконференциа алагара аламҭалаз уи алахәылацәа Аԥсны аҳәынҭқарратә музеи асквер аҿы аҵарауаҩ инышәынҭра аҿы ашәҭ шьыҵәрақәа шьҭарҵеит.

Аҟәа. Жьҭаарамза 19, 2021 шықәса. Аԥсныпресс. Аҳәынҭқарра Ахада Москватәи иусуратә ныҟәара аихшьалақәа ҟаиҵеит.

Аԥсны Аҳәынҭқарра Ахада Аслан Бжьаниа Аԥснытәи аҳәынҭқарратә телерадиоеилахәыреи Апсныпресси ржурналистцәа Москватәи иусуратә ныҟәара аихшьалақәа ртәы рзеиҭеиҳәеит. 

Аҳәынҭқарра Ахада ивизит аҳәаақәа (жьҭаарамза 8 -16 рзы) ирҭагӡаны урыстәылатәи ачынуаа дуқәа рԥылараан азҵаарақәа жәпакы дрылацәажәеит. Ихадароу зҵаараны иҟалеит зымҽхак дуу Аԥсны 2025 шықәсанӡа асоциалтә-економикатә ҿиара апрограмма ҿыц. Апрограммаҟны ихадараны иҟоуп аекономика аусхк аҳәынҭқарратә дгылара аҭара иазку аусмҩаԥгатәқәа, ҷыдала, абизнес маҷи ибжьаратәу абизнеси, ақыҭанхамеи, ааглыхреи. Иара убас апрограмма иазԥхьагәанаҭоит абиуџьет иаҵанакуа ихадоу акатегориақәа руалафахәқәа рышьҭыхразы афинанстә цхыраара. 

Аҟәа. Жьҭаарамза 19, 2021 шықәса. Аԥсныпресс. Аԥсны аҩныҵҟатәи аусқәа Рминистрра аусеилыргаратә Усбарҭа Саидов Қерим Абуталим-иԥа иганахьала имҩаԥнагоз аусеилыргара хнаркәшеит. Апрокуратура Хада ашьақәырӷәӷәареи ахарадҵатә лкааи аӡбарҭа ахь идәықәҵоуп.

Ашьаустә  материалқәа инарықәыршәаны Қерым Саидов лаҵарамза 2021 шықәсазы, Урыстәыла дшыҟаз  аинтернет ахархәарала, амобилтә цҵа «Telegram» ала аусеилыргарала ишьақәыргылам ахаҿи иареи ацәыҵеицәажәара мҩаԥигеит.  Убри аан уи  Аԥсны иахьаҵанакуа анаркотикатә маҭәашьарқәа изакәанымкәа реикәшара амҩаԥгара аиҿкааразы апсевдоним «Хадис» ала ихы ааирԥшуан. Анаркотикатә маҭәашьарқәа рыларҵәара азы Қерим Саидов «маӡала иҭаҵәаху» рыцыԥхьаӡа  азы 600 мааҭ  идгалан.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me