Аҟәа. Лаҵарамза 7, 2024 шықәса. Аԥсныпресс. Лаҵарамза 7 рзы Ахада Аслан Бжьаниа аиԥылара мҩаԥигеит Урыстәылатәи Афедерациа афинансқәа рминистр ихаҭыԥуаҩ Алеқсеи Сазанов дызлахәыз аиԥылара.
Аиԥылара аԥхьа аминистрцәа Реилазаараҟны имҩаԥысит «Аԥсны Аҳәынҭқарра Аиҳабыреи Урыстәылатәи Афедерациа Аиҳабыреи рыбжьара ҩынтәны ашәахтәқәҵара ацәцареи ахашәалазы ашәахтәқәа рыцәхьамҵреи рзы Аиқәшаҳаҭра» анапаҵаҩра.
Аиқәшаҳаҭра рнапы аҵарҩит Аԥсны Аҳәынҭқарра афинансқәа рминистр, Аԥыза-министр ихаҭыԥуаҩ Владимир Делба, Урыстәылатәи Афедерациа афинансқәа рминистр ихаҭыԥуаҩ Алеқсеи Сазанов.
Аҳәынҭқарра Ахада асасцәа аԥсшәа раҳәо, иазгәеиҭеит, Аԥсны ас еиԥш аҵак ду змоу адокумент аҵаҩра иазыԥшуижьҭеи акыр шыҵуа. «Ари адокумент алшара дуқәа аанартуеит ҳтәыла аекономика аҿиареи урыстәылатәи аинвестициақәа еиҳа лассы радԥхьалареи рзы», - иҳәеит Аслан Бжьаниа.
Аҳәынҭқарра Ахада иҳәеит ари аиқәшаҳаҭра Аԥсны Аҳәынҭқарреи Урыстәылатәи Афедерациеи рыбжьара аиҩызаратә еизыҟазаашьақәа рырӷәӷәара ишацхраауа.
Урыстәылатәи Афедерациа афинансқәа рминистр ихаҭыԥуаҩ иазгәеиҭеит, Аԥсны аекономика ишаднаԥхьало аинвестициа дуқәа, раԥхьа иргыланы - атуристтә усхк аҟны. «Урыстәылатәи аинвесторцәа азҿлымҳара ду аадырԥшуеит, изныкымкәа уи азы адырра ҳарҭахьеит», - иҳәеит Алеқсеи Сазанов.
Аԥсны афинансқәа рминистр Владимир Делба иазгәеиҭеит, ари азҵаара гәцаракра ду аҭаны аусурақәа шымҩаԥысуаз. «Аиқәшаҳаҭра иара убас алшара ҳнаҭоит аԥсуа бизнесгьы ҩынтәтәи ашәахтәқәҵара ацәцаразы», - ҳәа иҳәеит иара.
Адокумент, иара иажәақәа рыла, аҩ-тәылак рекономика ҭышәынтәаланы аҿиара ацхыраара аҭареи ашәахтә ашәара иацу ашәарҭара аԥырҟәҟәаареи ишрызку.
