Франциа иргаз аиааира азы Амина Аншбеи Анастасиа Детиуки ироуеит 125 ареитингтә кәаҭалеи €4 350 аԥхьахәтә ԥарақәеи.
06.Лаҵара.2024
Амина Аншбеи Анастасиа Детиуки Сен-Мало имҩаԥысуаз аԥкьаҭмпыл азы аихацалыкытә турнир WTA 125 аҿы аиаиира ргеит.
Аҟәа. Лаҵарамза 6, 2024 шықәса. Аԥсныпресс. Аԥснытәи аспортсменка Амина Аншба Анастасиа Детиук длыцны Сен-Мало имҩаԥысуаз аихацалыкытә турнир WTA 125 аҿы аиаиира ргеит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы.
Афинал аҿы дара францызтәи аспортсменкацәа Естель Каскинои Кароль Моннеи асчиот 7/6(7), 2/6, 10:5 ҳәа ираԥасит. Аԥкьаҭмпыласыҩцәа акорт аҿы иҟан 1 сааҭки 57 минуҭи.
