«Иахьазы аҭыԥ алхны 400 кипарис рзы ажрақәа ржит, егьырҭ 200-ҵла инарзынаԥшуа еиҭарҳахьеит. Аусурақәа ирыцҵахоит. Ақыҭа зегьы иахьаҵанакуа акипарисқәа еиҭаҳахоит. Акипарис ахылаԥшра зҭаху ҵиаауп, убри аҟнытә урҭ реиҭаҳараан аминералтә рҵәырақәа ахархәара роуеит. Урҭ ааргахьеит. Ариаҵәаратә Нхамҩа аҵиаақәа рхылаԥшара азы абжьгарақәа аиухьеит», – ҳәа еиҭалҳәеит Светлана Карчуганова.
Уи лажәақәа рыла, аҵлақәа аӡы рыҵаҭәалатәхоит. Тамшь ақыҭа ахада Вадим Занҭариа аҵиаақәа, аиҳарак ашоурақәа раан аӡы рыҵаҭәара аҿы ацхыраара шыҟало иҳәеит.
