Аԥсны аганахьала аиԥылара рхы аладырхәит Аԥсны аиустициа Аминистрра аӡбаратә зыӡбақәа рынагӡаҩцәа Рмаҵзуреи аӡбаратә експертиза азы Ареспубликатә Анаука-ҭҵааратә Институти русура ахылаԥшреи акоординациеи рыҟәша аиҳабы Саид Малиеи аиустициа Аминистрра апрофильтә ҟәша аспециалист хада Анри Гәынбеи.

Аԥсны аиустициа Аминистрра аделегациа Урыстәылатәи Афедерациа аиустициа Аминистрра аӡбаратә експертиза Афедералтә Центр иаҭааит, иара убас Урыстәылазегьтәи анаука-практикатә конференциа «Мрагылара-Мраҭашәара» («Восток – Запад»,) рхы аладырхәит. Араҟа аӡбаратә експертиза иадҳәалоу аусура аганахьала аусеицуреи иҿыцу аекспетиза ахкқәа рышьақәыргылара иадҳәаланы ицәырҵуа апроблемақәеи ирызку актуалра злоу азҵаарақәа жәпакы  ирылацәажәон.