Аԥсны алегендартә фырхаҵа Даур Занҭари акомандаҟаҵаҩыс дызмаз агәыԥ «Каҭран» аилазаараҿы Марина Аршба агәаӷьреи афырхаҵареи аарԥшуа ақыҭа Лабра ажәылара аҿы амедиаҳәшьа лаҳасабала адагьы еибашьҩык еиԥш хацәнымырха далахәын. Лара аконтузиа анлоу ашьҭахь лҭыԥ аанылмыжьит, ажәылара анцоз аамҭазы илулакгьы ахәра зауз аибашьцәа зегьы рҟынӡа днеины раԥхьатәи амедицинатә цхыраара рыҭареи урҭ аибашьрдәы ралгареи лыллыршон.
Марина Аршба далахәын иара убас «Тамшьтәи адесант» аӡхыҵра аан. Аидыслара аҿы ӷәӷәала ихәыз аибашьҩы иԥсы аиқәырхара азы аиҿахысра ӷәӷәа шыҟазгьы, ларгьы ахәра шлоухьазгьы иара иҟынӡа днаӡаны амедицинатә цхырааа илҭеит. Изныкымкәа Марина лхатә ԥсҭазаара ашәарҭара иҭаргыло ахәрақәа зауз аибашьцәа реиқәырхара лыллыршахьан.
Марина Аршба ас еиԥш ахьӡ ҳарак ланашьаразы аӡбамҭа рыдыркылеит уи аибашьраан иаалыԥшыз агәымшәареи афырхаҵареи агәаӷьреи Аԥсадгьыл ахақәиҭреи ахьыԥшымреи рзы еицамкәа амчхареи рзы.
