«Аусурақәа инагӡаны имҩаԥгоуп. Аҩны иаԥну аҵакыра зегьы ариаҵәара мҩаԥгоуп, имаҷу архитектуратә формақәа шьақәыргылоуп, аканализациа асистема ԥсахуп, аҵеџь ҿыцқәа ҭаргылоуп, аӡҩаршьҭрақәа алдоуп, аӡымҩахгагатә система рҿыцуп. Зеиқәыршәазаара мҩаԥгаз аҵакыра азеиԥш мҽхак 750 ԥшьыркцатә метр рҟынӡа инаӡоит», – ҳәа еиҭеиҳәеит Шьаҭанкыла аргылара Аусбарҭа аиҳабы Демир Гамисониа.

Валентина Шуваева даагылазар  аҩны №170 аҿы  дынхоит.

«Ҳара даара ирацәаны ашәҟәқәа ҳаҩхьан, ҳаҩны акәша-мыкәша иҟоу аҵакыра аҭеиҭыԥш арҽеираҿы ацхыраара ҳаҳәон. Абар, ҳгәахәтәы ҟалеит», - ҳәа илҳәеит лара.

Ари аҩны аҿы инхо ауааԥсыра гәахәарыла иазгәарҭеит атәыла аԥыза-министр Владимир Делба иҟынтәи ироуз ацхыраареи аргыларатә бригада ҳәоуеиқәшәарыла, ааԥсарак ҟамҵа инарыгӡоз аусуреи. 

Аҩны аҿы инхо ауаа атәыла Анапхгара ахада ихьӡала аџьшьаратә шәҟәы рыҩит.