Ауааԥсыра рзы атауарқәеи зыхә ршәо амаҵзурақәеи рхархәаратә хәыԥсақәеи атарифқәеи еизаку аиндекс 2025 шықәса инаркны  1,8% рыла иазҳаит.

Афатә-ажәтә атауарқәа – 2,9% рыла иазҳаит, абзазара-ааглыхратә уҳәа егьырҭ атауарқәа – 0,7% рыла, ауааԥсыра рзы зыхә ршәо амаҵзурақәа – 1,6% рыла.

2025-тәи ашықәс азы ахныҟәгаратә минимум аҩаӡара иҳаҩсыз ашықәс азы аиԥш-зеиԥшу аамҭа иаҿырԥшны уахәаԥшуазар 2,1% рыла иазҳаит.

Атауарқәеи ауааԥсыра рзы зыхә ршәо амаҵзурақәеи рхархәаратә хәыԥсақәа риндекс мшаԥымза, 2025 шықәса рзы иҳаҩсыз 2024-тәи ашықәс, мшаԥымза иаҿырԥшны уахәаԥшуазар   9% рыла иазҳаит, убри аан афатә-ажәтә атауарқәа рзы –  12,5% рыла, абзазара-ааглыхратә уҳәа егьырҭ атауарқәа рзы – 8,6%, ауааԥсыра рзы зыхә ршәо амаҵзурақәа рзы – 7,1% рыла.