Лара гәахәара дула иазгәалҭеит сынтәа аҟәатәи абжьаратәи ашкол №2 аҵаҩы Нестор Ҭарба апрограмма «Умники и умницы» аҿы зеиӷьаҟам ала итәыла ахьӡала дшықәгылаз, аииарагьы шигаз.
«Аԥсны аҵара аминистрра ԥшьышықәса ҵуеит ателеолимпиада алахәхаразы ашколхәыҷқәа азыҟарҵоижьҭеи. Сынтәа аиааира игеит ҳџьынџьуаҩ, Аҟәатәи аҩбатәи абжьаратәи ашкол аҵаҩы Нестор Ҭарба. Уи ҳҳәынҭқарра ахьӡала қәҿиарала адырраҭара дахьалахәыз, уимоу аиааирагьы ахьигаз лымкаала ҳаигәырӷьоит, ҳизгәдууп ҳарԥыс», —ҳәа иазгәалҭеит аҵара аминистр Хана Гәынба.
Иури Виаземски, ахәҭакахьала аҵара аминистр адкылара бзиа азы иҭабуп ҳәа леиҳәеит. Иури Виаземски иажәақәа рыла, ареспублика аҟынтәи шықәсык аҩныҵҟа апроект иалахәхарц зылшо рхыԥхьаӡара иацҵоуп — хҩык рҟынтәи ԥшьҩык рҟынӡа.
«Урыстәыла Ахада Владимир Владимир-иԥа Путин игәазыҳәароуп ари — аԥснытәи ашколхәыҷқәа ралахәхара», — ҳәа иҳәеит амҩаԥгаҩ.
