Уаанӡа Аҩадатәи аҳҭнықалақь ҳәа изышьҭоу ақалақь Санкт-Петербург аҟынтәи Аҟәанӡа ҭауиҭадала акәын ишзалшоз.
Аҳаиртә Еилазаара iFly иатәу аҳаирпланқәа Airbus A330 рыла раԥхьатәи ииашоу ареисқәа азԥхьагәаҭоуп нанҳәамза 14, 20 рзы.
Аҳаирплан ала аԥырра ахәԥса 20 000, 30 000 мааҭ рҟынӡа инаӡоит.
Владислав Арӡынба ихьӡ зху Жәларбжьаратәи аҳаирбаӷәаза «Аҟәа» ареконструкциа ашьҭахь аофициалла иаатит лаҵарамза 1, 2025 шықәса рзы. 32-шықәса ирҭагӡахаз аҳаирбаӷәаза аусура аиԥҟьара ашьҭахь раԥхьатәи еиԥырҟьам ареис Москвантәи имҩаԥган.
