Аԥсны абанктә хсаалагақәа рыла ҳазҭоу ашықәс актәи азыбжазы атауарқәеи амаҵурақәеи ишәаз рыхәԥса азеиԥш еицҵалыҵ 6,8 млрд. мааҭ рҟынӡа инаӡеит. Урҭ рахьынтә ахсаалагақәа АԤРА ала иҟаҵаз ашәатәқәа реицҵалыҵ 554 млн. мааҭ рҟынӡа инаӡоит, жәларбжьаратәи ашәаратә системақәа рыхсаалагақәа рыла – 6,3 млрд. мааҭ.
Активра злоу ахсаалагақәа АԤРА рзеиԥш хыԥхьаӡара ԥхынгәымза 1, 2025 шықәсазы 67 645 цыра рҟынӡа инаӡон, аус зуа абанкоматқәа рхыԥхьаӡара – 160.
