«Иазгәаҭатәуп, Қырҭтәыла адгыларазы мраҭашәаратәи атәылақәа рхаҭарнакцәа ас еиԥш еицырзеиԥшу рҳәамҭақәа традициак аҳасаб ала ишыҟалаз, урҭ аобиективтә ҭагылазаашьа ишадҳәалам.

Арҭ аусшәҟәқәа иаартны Урыстәыла иаҿагылоуп, ҳрегион аҿы иааиԥмырҟьаӡакәа аиҿагылара аҟазаара иазырхоуп», - ҳәа иҳәеит Иракли Ҭыжәба.

Он обратил особое внимание на то, что  впервые за 17 лет совместное заявление отказались поддержать представители США.

Иара иазгәеиҭеит, 17 шықәса рышьҭахь, раԥхьаӡа акәны Америка ахаҭарнакцәа абри еицырзеиԥшу аҳәамҭа адгылара мап шацәыркыз.

«Ас еиԥш аҟалара иаанарԥшуеит адемократиатә партиа ахаҭарнакцәа хымԥада Қырҭтәыла адгылара аганахь ала ирымаз азнеишьа иахьатәи Америка ахадара ҿыц еиҭахәаԥшыр шалшо, насгьы, Урыстәыла иаҿагыло ариторика ааныжьны, адиалог ашьақәыргылареи маҷ-маҷла аимадарақәа реиҭашьақәыргылареи рахь ииасыр шауа.

Ииашаҵәҟьаны, раԥхьаӡа акәны аофициалтә Вашингтон мап ацәнакит Қырҭтәыла аҵакыратә акзаара адгылара, мап ацәнакит Аԥсни Аахыҵ Уаԥстәылеи рҟны Урыстәыла арратә мчрақәа рыҟазаара иақәыӡбо адокумент. Ари Америка анапхгара ҿыц рдунеихәаԥшышьақәа рҿы аиҭакра дуқәа аазырԥшуа шьаҿоуп, Урыстәылеи дареи реизыҟазаашьақәа рҭышәынтәалара иазырхоуп», - ҳәа иазгәаҭоуп ахҳәаа аҿы.

Аԥснытәи адипломат агәыӷра ааирԥшуеит «Қырҭтәыла ҵаҵӷәы змам аҵакыратә ҭахрақәа рганахь ала Америка аполитикатә напхгара ргәаанагарақәагьы рҽырыԥсахып ҳәа».