Ҳара аҭагылазаашьа ахылаԥшра аҳҭоит, убри аҟнытә агәра ганы сыҟоуп абылтәы аганахьала Аԥсны акризис шыҟамло», — ҳәа аминистрцәа Реилазаара алахәылацәа рахь ихы рханы иҳәеит Владимир Делба.
Аамҭалатәи ауснагӡатәқәа иазԥхьагәарҭоит:
абензин «Регуляр-92» аҭираан тоннак абылтәы азы ахәԥса ахь абарҭ анаӡаратә хәаахәҭратә цҵақәа алагалахоит:
- 8% – анефтаалыҵқәа еизакны аҭираан;
- 4% – Аԥсныҟа анефтаалыҵқәа хазхаҭала рекспорт амҩаԥгаразы аҷыдалкаатә зин змоу аилахәырақәеи уи иаҿыгоу анаплакқәеи абылтәы аагара азы аиқәшаҳаҭрақәа (аилаӡарақәа) зыбжьазҵаз анаплакқәа рыла аизакылаҭира ду амҩаԥгара аан;
- 10% – Аԥсны аҩныҵҟа иаахәаз анефтаалыҵқәа рыла азаҵәылаҭира амҩаԥгараан;
- 14% – Аԥсны аҩныҵҟа анефҭаалыҵ аимпортиорцәа рҟны аизакылаҭира ду аҳасабала иаахәаз анефҭаалыҵқәа рыла азаҵәылаҭира амҩаԥгараан;
- 18 % – Аԥсны анҭыҵ иаахәаз анефҭаалыҵқәа рыла азаҵәылаҭира амҩаԥгараан;
Аоктантә хыԥхьаӡара 95, ма уи инеиҳаны измоу абылтәы аҭираан анаӡаратә хәаахәҭратә цҵа наӡоит:
- 4% – анефтаалыҵқәа римпортиорцәа рыла аизакылаҭира ду аҳасабала анефтаалыҵқәа рыҭираан;
Адизельтә былтәы аҭираан:
- 4% – анефтаалыҵқәа аизакылаҭира амҩаԥгараан, анефтаалыҵқәа римпортиорцәа рыла анефҭаалыҵқәа аизакылаҭира ду аҳасабала рыҭирагьы уахь иналаҵаны;
- 6% – Аԥсны аҩныҵҟа анефтаалыҵқәа римпортиорцәа рыҟны аизакылаҭира ду аҳасабала иаахәаз анефҭаалыҵқәа рыла азаҵәылаҭира амҩаԥгараан;
- 10% Аԥсны анҭыҵ иаахәаз анефҭаалыҵқәа рыла азаҵәылаҭира амҩаԥгараан;
- 6% – Аԥсны аҩныҵҟа анефтаалыҵқәа римпортиорцәа рҿы аизакылаҭира ду аҳасабала иаахәаз анефтаалыҵқәа рыла азаҵәылаҭира амҩаԥгараан.
Убри аан анефтаалыҵқәа «ирацәаны еизакны аҭира», «аизакылаҭиа ду» ҳәа иԥхьаӡоуп анефтаалыҵқәа римпортиор ила Аԥсны аҩныҵҟа анефтаалыҵқәа рыҭира назыгӡо анаплакы азы знык ала иаарго 120 тонна иҟоу ма еиҳау абылтәы амҽхак.
Аоктантә хыԥхьаӡара 95, ма уи инеиҳаны измоу абылтәы, иара убас абазатә екологиатә, ма ахархәаратә ҟазшьарбагақәа змоу афирматә мотортә былтәы аганахьала аизакылаҭиратәи (аизакылаҭира ду уахь иналамҵакәа) азаҵәылаҭиратәи ахәԥсақәа абылтәы аҭицәа аџьармыкьатә кониуктура аҟынтәи аџьармыкьатә економика апринципқәа рықәныҟәарала, амзартә мшы иалагӡаны ахәԥсақәа рыҽшеиҭарымкәа шьақәырӷәӷәаны, иара убас ирҭиуа абылтәы ассортимент аҿы иарбоу аамҭахәҭа азы ишьақәыргылаз ахәԥсақәа рыла абылтәы аҟазаара алыршарала ишьақәдыргылоит. Аенергетикеи атранспорти Рминистрра адырра шыҟанаҵо ала, Ақәҵараҿы иарбоу аԥҟарақәа ирыбзоураны Аԥсны абылтәы азы аџьармыкьа алахәылацәа зегьы рзы еиҟароу аҭагылазаашьақәа аԥҵахоит.
