АЖӘАБЖЬҚӘА

вчера 22:31

Дамаск иҟоу аԥснытәи аделегациа Урыстәыла ацҳаражәҳәаҩ Алеқсандр Ефимов иԥылеит.

Аҟәа. Нанҳәамза 28, 2025 шықәса. Аԥсныпресс. Шьамтәыла иҟоу Урыстәыла Ацҳаражәҳәарҭа аҿы Аԥсны адәныҟатәи аусқәа рминистр Олег Барцыц зхадараҿы дыҟоу аделегациеи Урыстәыла ацҳаражәҳәаҩ Алеқсандр Ефимови реиԥылара мҩаԥысит.

Аиԥылараҿы ишьҭыхыз ихадоу атемақәаны иҟан Шьамтәыла ишьақәгылаз аполитикатә ҭагылазаашьа, аҩ-ҳәынҭқаррак аҩганктәи русеицура арӷәӷәара, иара убас Аԥсны 62-тә Дамасктәи Жәларбжьаратәи ацәыргақәҵа алахәхара, ҳәа адырра ҟанаҵоит Аԥсны адәныҟатәи аусқәа Рминистрра апресс-маҵзура.   

Олег Барцыц Алеқсандр Ефимов иҭабуп ҳәа еиҳәеит адкылара бзиа азы, уи Урыстәыла есымша Аԥсны ахьыԥшымра азхазҵаз атәылақәа аус рыцура аганахьала Аԥсны адгылара анаҭоит ҳәа иазгәеиҭеит.

Олег Барцыц ацҳаражҳәаҩ ҳамҭас ииҭеит амҿы иалху, аԥснытәи анапҟазацәа иҟарҵаз аҳамҭа.


Read 33 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2025
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.